Bilboko saihesbide berriko bidesaria % 35 merktuko da ibilgailu astunentzat asteazkenetik aurrera, garraiolarien sektorearekin adostutakoa ezarriz.
Bizkaiko Foru Aldundiak Bilboko hegoaldeko sahiesbidea erabiltzen duten ibilgailu astunentzat % 35 merkatuko du bidesaria asteazkenetik aurrera. Atzeraeraginezko izaera izango du 2011ko urritik, eta hortaz, 25.000 garraiolariri 600.000 euro itzuliko zaiela esan du Itziar Garamanedi Lan Publiko eta Garraioteko diputatuak.
Foru Gobernuak bidesari berriak erregultzeko dekretua onartu du gaur garraiolarien sektorearekin negoziatu ostean. Egungo prezioak % 35 merkatuko dira Bilboko saihesbide berriko bidesarian.
Akordiora joan den urrian iritsi zirela azaldu dute, baina ezin izan dutela aurretik ezarri zehaztu dute, dekretu proposamena entzunaldi publikoan eratu behar izan delako eta Europako Batzordeko Mugikortasun zuzendaritzaren onarpena behar zelako, joan den otsailaren 14an iritsi zen baimena.
Dekretu honek atzeraeraginezko izaera duela esan du Garamendik OBE gailuekin edota kreditu txartelekin ordaindu dutenentzat. Dirua kontu horietan sartuko dietela zehaztu du Garraiao diputatuak, eta denera 25.000 garraiolarik jasoko dute.
Dekretu honekin, Bizkaiko Aldundiak ibilgailu astunen bidesaria % 35 merkatuko du 1 eta 2 kategoria dutenentzat.
Gainera, sahiesbidea maiz erabiltzen dutenentzat deskontuak ezarriko direla gogoratu du Garamendik, zehazki, hilean gutxienez 20 aldiz erabiltzen dutenentzat % 13 gehiago merkatuko zaie.
