Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Biografia: Berlusconi, dagoeneko graziarik egiten ez duen showmana


2011-11-08 15:17

Hiru agintaldietan izan da Italiako lehen ministroa eta komunikazioaren eskarmentu handiko gizona da il Cavaliere. Gainera, zentzugabeko ika-mikak sortzeko gaitasun paregabea du.

Zuk ez zenioke zure alaba, dirua ala kotxea utziko. Hala ere, Silvio Berlusconik (Milan, 1936ko irailak 29) hamarkadaz italiarrak limurtu ditu, bere karismak eta irabazle irribarretsuak osatutako irudiak lagunduta.

Krisi ekonomikoak eta eskanduluen pilaketak il Cavalierek italiarrekin (enpresariak, politikariak, kazetariak eta epaileak barne) zuen amodiozko harremana puztu dute. Italian aspalditik ez diete Berlusconiren txantxak gustatzen.

Hala ere, litekeena da egungo egoera engainagarri izatea. Silvio Berlusconi bere beheraldi politikoan dago baina oraindik ere, herrialdeko lagun boteretsuena da eta baita aberatsena ere. Lehen ministroa izan da hiru agintaldietan, zenbait komunikabideetako handikia da (Mediaset taldeko jabea da), AC Milan futbol taldeko jabea eta noizean behin, abeslaria.

Epaileei aurre egin die, bere aurka azpijokoetan ibiltzea leporatu die. Berlusconik bost prozesu judizialetan dago inputatu bezala. Akusazioak tankera desberdinetakoak dira: adingabeen prostituzioa, botere abusua, eroskeria, iruzur fiskala, ustelkeria...

Lehen ministroa izanda, haren aldeko legeak proposatu ditu, esaterako Alfano Legea (justiziak konstituzioaren aurkakoa zela ebatzi zuen). Lege honek immunitatea eskaintzen zion il Cavaliereren ustezko delituzko ekintzen aurrean.

Milaka hitz daude Berlusconi izendatzeko: bitxia, andrezale, polemikoa, liskarzale, xarmagarri, ahohandi, showman, txantxazale, lotsagabekoa, populista...


Ika-mika ospetsuenak

Berlusconiren izaera zirikitzaileak zenbait burukomina ekarri dizkio eta haren ika-mikak zeresan handia eraman du komunikabideetara.

Emakumeekiko zaletasuna polemikaren gakoa izan da sarritan. Azkena 2011ko urriaren 26an jazo zen, krisi ekonomikoari buruzko Europar Batasuneko goi-bilera batean Helle Thorning-Schimdt Danimarkako lehen ministroa agurtu zuenean eta, inongo lotsarik gabe, ipurdiari so geratu zenean.

Hilabete bat lehenago, prentsako editore batekin telefonoz izandako elkarrizketa batean, il Cavalierek larrua jo ezineko ipurdi handitzat jo zuen Angela Merkel Alemaniako kantzilerra.

Berlusconiren probokazioak AEBetako Etxe Zurira heldu dira. 2009ko irailean, AEBetan izandako G-20ko harrera batean, adeitsuegi agertu zen Berlusconi Michelle Obama agurtu zuenean. Hari begira zegoela, Barack Obama presidenteak ez zuen keinua ondo ikusi.

Berlusconi protagonista izan den ika-miken artean, Ruby auzia nabarmendu dezakegu: 20 bat emakumek, tartean adingabeak, parte hartu omen zuten berak antolatutako orgia beroak.

Ibilbidea

1974an sortu zuen Silvio Berlusconik bere lehen hedabidea: Telemilano telebista katea. Ordutik, telebista kate eta idatzizko hedabide ugari zuzendu ditu, eta XX. mende bukaerako eta XXI.ko hasierako Kane herritarra bihurtu da.

1994an Forza Italia koalizio politikoa sortu eta boterera heldu zen, baina urte bat beranduago Gobernutik kanpo gelditu zen.

Hasierako saiakera horren ostean, lehen ministroa izan da bitan: 2001etik 2006ra eta 2008tik gaur arte.

Silvio



Informazio gehiago:Eitb: Biografia: Berlusconi, dagoeneko graziarik egiten ez duen showmana

60 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin