Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Binakako txapelketa: Olaizola-Beroiz, irabazle faboritoen partidan


2012-01-22 19:33

Aurrelariek erremate ikusgarriak egin dituzte eta norgehiagoka parekatua eta zirarragarria izan da. Olaizolak eta Beroizek Irujo eta Barriola menderatu dituzte Bilboko Bizkaia pilotalekuan.

Olaizolak eta Beroizek Irujo eta Barriola gainditu dituzte (22-15) Binakako Txapelketako faboritoen arteko norgehiagokan, Bilboko Bizkaia pilotalekuan. Espero zen ikuskizuna eman dute lau pilotariek. Olaizolak bikote gorria gidatu du, batez ere partidaren azken txanpan.

Hasieratik aurreko koadroetan agintzen saiatu dira aurrelariak. Olaizolak eta Irujok erremate ikaragarriak egin dituzte hasieratik. Neurketa parekatua izan da eta berdinketak errepikatu dira markagailuan.

Bikote bakoitzaren aurreneko bost tantoetatik lau aurrelariek egin dituzte. Atzelariak pilotak bueltatzera eta atzealdean eustera mugatu dira.

Lan erdietara heltzen lehenak gorriak, Olaizola-Beroiz, izan dira bost tanto jarraian egin eta gero (11-9).Partidako abantailik handiena lortzeko Beroizek dejada polita egin du (13-10). Hala ere, Irujok erreakzionatu eta berriro berdinketa ezarri du (13-13).

Neurketaren azken txanpan Olaizolak partida erabaki du defentsan eta erasoan lan ezin hobea eginez. Beroiz seguru batek lagunduta, goizuetarrak bikote gorria garaipenera gidatu du.



Olaizolak



Informazio gehiago:Eitb: Binakako txapelketa: Olaizola-Beroiz, irabazle faboritoen partidan

92 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin