Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Bilduren zerrendak inpugnatzea aginduko du gaur Espainiako Gobernuak


2011-04-20 07:27

Zerrendak banan-banan inpugna ditzakete, edo koalizio oso-osorik. Azken hitza Auzitegi Konstituzionalak izango du maiatzaren 20ean.

Francisco Caamaño Justizia ministroak proposatuta, gaurko Ministroen Kontseiluak baimena emango dio Estatuko Abokatutzari Bildu koalizioaren zerrenden aurka egin ahal izateko, baldin eta segurtasun indarrek aurkeztutako txoztenek Batasunarekin lotura dutela probatzen badute.

Europa Press-ek jakinarazi duenez, Estatuko Segurtasun Indarrek txosten ezberdinak egingo dituzte, Eak eta Alternatibak osatu duten koalizioan ere Batasuna dagoela probatu ahal izateko.

Bestalde, Marcelino iglesias PSOEko Antolakuntza idazkariaren hitzetan, Gobernuak jarraibideak emango dizkio Estatuko Abokatutzari edo Fiskaltzari Bilduren hautagaien zerrendak inpugnatzeko. Aragon Rasio katean egindako elkarrizketa batean, inpugnazioa epaileek soilik egin dezaketela azaldu du Iglesiasek.

Iglesias ziur dago epaileek erabakiko dutela Bilduk ezin duela joko demokratikoan parte hartu, eta horretarako denbora behar dela. Sinesgarritasun hori ezin zaie berehalakoan eman.

Iglesiasek azaldu du positiboa dela koalizioak indarkeria errefusatzea, baina horrek benetakoa izan behar duela dio. Sinesgarritasun hori ezin zaie berehalakoan eman.

Apirilaren 28a arte

Fiskaltzak eta Estatuaren abokatuak apirilaren 28a arte izango dute Bilduren zerrendak inpugnatzeko aukera. Inpugnazioa bi eratara eman liteke: zerrendaz zerrenda edo koalizio osoa.

Atzo zerrendak erregistratu ondoren, apirilaren 26ean egingo dira ofizial, Estatuaren Aldizkari Ofizialean argitaratzen direnean.

Bi egun geroago amaituko da inpugnazioak aurkezteko epea, eta apirilaren 30erako, Auzitegi Gorenak erabaki bat hartu beharko du balizko helegitearen inguruan.

Gorenak inpugnazioak onartuz gero, Bilduren defentsak Auzitegi Konstituzionalera jotzeko aukera izango du eta epaitegi horrek hiru egun izango ditu erabakia hartzeko, maiatzaren 5a arte hain zuzen ere.

Lege berriarekin, hauteskunde zerrendak kanpainan ere inpugnatu ahal izango dituzte. Hori horrela, Gobernuak eta Fiskaltzak maiatzaren 12a, osteguna, arte izango dute inpugnazio helegiteak sartzeko epea. Gorenak maiatzaren 15aren aurretik ebatzi beharko du balizko helegitearen inguruan eta Bilduk errekurtsoa jarriz gero, Auzitegi Konstituzionalak maiatzaren 20rako eman beharko du ebazpena.

Segurtasun Indarrak Bilduren hautagaien zerrendak aztertzen hasiko dira bihar, gaur hauteskunde-batzordeak Barne Ministeriora zerrenda horiek bidali ostean, eta halaber, Barne Ministerioak Poliziari eta Guardia Zibilari bidali ostean.

Poliziak eta guardia Zibilak ikerketa horren inguruko txostenak aurkeztu beharko dizkiote Fiskaltzari eta Estatuko Abokatutzari, irizpide juridikoen arabera zerrenda horiek inpugnatzeko arrazoirik ote dagoen erabakitzeko.

Bilduren zerrenden aurka egiteko baimena emango dio bihar Gobernuak Estatuko Abokatutzari.

258 zerrenda aurkeztu ditu Bilduk EAEn. Era berean, Nafarroako Parlamenturako eta Batzar Nagusietarako barruti guztietan zerrendak aurkeztu ditu koalizioak. Guztira, 32 hautagaitza aurkeztu ditu Araban, 104 Bizkaian, 72 Gipuzkoan eta 51 Nafarroan.



Informazio gehiago:Eitb: Bilduren zerrendak inpugnatzea aginduko du gaur Espainiako Gobernuak

74 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin