Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Bilduk Mahai zabala osatu nahi du Nafarroako Parlamentuan ere


2011-06-14 13:10

Maiorga Ramirezek esan du erraza izango dela legegintzaldian NaBairekin eta Ezkerrarekin akordioetara iristea PSNk ordezkatzen ez duen oposizioa egiteko.

Maiorga Ramirez Bilduren bozeramaileak Mahai zabala osatzearen alde egin du Nafarroako Parlamentuan, gizarte nafarraren aniztasunaren isla izan dadin.

Bakartxo Ruiz parlamentariarekin batera emandako prentsaurrekoan Ramirezek azaldu duenez, erraza izango da legegintzaldian NaBairekin eta Ezkerrarekin akordioetara iristea PSNk ordezkatzen ez duen oposizioa egiteko.

Koalizio abertzalearen arabera, Nafarroako udalen osaketak agerian utzi du premiazkoa dela eta posible dela Nafarroan aldaketa politikoa eta soziala egitea, baina PSNk eskuinaren alternatiba izateari uko egin omen dio.

PSNk boto-emaileei eta herritarren gehiengoari berriro bizkarra eman diela azpimarratu ondoren, Ramirezek esan du Yolanda Barcinaren eskuindarrak boterean mantentzeko erabakiak atsekabe handia eragin duela sozialisten oinarri sozialean.

Kargudun sozialista askok gogo txarrez onartu omen zuten PSNk gobernu alternatiboei atea itxi izana eta azken 20 urteetako eskema bera erabiltzea, hau da, beteko ez duten zerbait hitz ematea, gaineratu du Ramirezek.



Informazio gehiago:Eitb: Bilduk Mahai zabala osatu nahi du Nafarroako Parlamentuan ere

56 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin