Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Bildu legeztatu ezean, hauteskundeak baliogabetzeko eskatuko du EAk


2011-04-29 13:20

Eskura duten tresna guztiak erabiliko dituztela eta hautagaitzak osatzen dituzten askok indarkeria eta mehatxuaren atzaparrak jasan dituztela adierazi du.

Pello Urizar EAren idazkari nagusiak maiatzaren 22ko foru eta udal hauteskundeak baliogabetzeko eskatzea aztertuko dutela adierazi du, Auzitegi Gorenak Bilduren zerrendak legez kanpo uzten badituzte.

Urizarrek agerraldia egin du Donostian, bere alderdiaren beste hainbat kide eta agintari ohiekin, hala nola, Carlos Garaikoetxea eta Unai Ziarreta presidente ohiak.

Urizarren esanetan, eskura dituzten tresna guztiak erabiliko dituzte, koalizioaren hautagaitzak legez kanpo uzten badituzte. EAren idazkariaren iritziz, zerrenden legez kanporatzea bultzada politiko baten ondorio da.

Halaber, berriro ere esan duenez, EAk ez ditu zerrendak bide politiko eta demokratikoak besterik ez onartzen ez dituzten pertsonekin osatuko, eta gogoratu du hautagaitzak osatzen dituzten askok indarkeria eta mehatxuaren atzaparrak pairatu dituztela.



Informazio gehiago:Eitb: Bildu legeztatu ezean, hauteskundeak baliogabetzeko eskatuko du EAk

85 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin