Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Bildu legez kanpo uzteak arriskuan jarriko luke Estatua


2011-05-09 16:51

Konstituzio Auzitegiak jakitera eman duenez, ez dago egiaztatuta ETAK Bildu erabili duela eta susmo soil bat izatea ez da inolaz ere onargarria politikan parte hartzeko eskubidea inori ukatzeko.

Maiatzaren 22ko hauteskundeetan Bildu izateko baimena eman dion Konstituzio Auzitegiaren epaia publikoki zabaldu dute eta honen arabera, kontrol prebentiboen bitartez, Estatu konstituzionalaren segurtasuna babesteko asmoak arriskuan jartzen du Estatua bera.

Asmo hau, gainera, neurrigabekoa da, gure ordenamenduak azken lege erreformen bitartez lortutako kontrol tresnak ikusita, gaineratu du Konstituzionalak astelehen honetan zabaldutako epaian. Konstituzio Auzitegiaren arabera, susmo soil bat izatea ez da, legearen aldetik ikusita, inolaz ere onargarria politikan parte hartzeko funtsezko eskubidea inori ukatzeko.

Baliteke etorkizunean susmo hori baieztatzea baina egungo epaiketari begira, politikan parte jartzeko eskubide askearen erabilera mugatuko luke, gaineratu du.

Konstituzio Auzitegiak baieztatu duenez, behin Fiskaltzak eta Estatuaren Abokatutzak aurkeztutako dokumentuak aztertuta, ez dago egiaztatuta Bildu ETAren tresna izan dela.



Informazio gehiago:Eitb: Bildu legez kanpo uzteak arriskuan jarriko luke Estatua

61 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin