Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Bildu berriz inpugnatzeko arrazoirik ez du aurkitu Fiskaltzak


2011-05-12 22:36

Hauteskunde-kanpainaren sei egunetan koalizioaren zerrendak bertan behera uztea eskatzeko zantzu berririk ez dutela topatu ziurtatu dute Fiskaltzak eta Gobernuak.

Auzitegi Gorenaren aurrean Bilduren hautagaitzak berriro inpugnatzeko arrazoirik ez dute aurkitu Gobernuak eta Fiskaltzak.

Estatuko Abokatutzako eta Ministerio Publikoko iturriek jakitera eman dutenez, hauteskunde-kanpainaren sei egun hauetan Eusko Alkartasunak, Alternatibak eta independente abertzaleek osatutako koalizioaren zerrendak bertan behera uztea eskatzeko zantzu berririk ez dute topatu. Ondorioz, koalizioa hauteskundeetan izango da.

Ander Errandonea Arruti ETAko preso ohiak Bilduren aldeko pankarta bat erakutsi zuen iragan asteartean, espetxetik ateratzean, baina koalizioaren zerrendak inpugnatzeko nahikoa ez dela erabaki dute. Izan ere, bitartekoen jarreren erantzukizunik ez du koalizioak, Fiskaltzaren esanetan.

Bilduren hautagaitzak berriro inpugnatu izan balituzte, Auzitegi Gorenak igandeko gauerdia baino lehen erabaki beharko zukeen eta helegite posible bat ebazteko epea larunbatean (maiatzaren 21) agortuko litzateke Auzitegi Konstituzionalaren kasuan, gogoeta jardunaldian.

Prozesua

Maiatzaren 1ean, Bilduren zerrenda guztiak atzera bota zituen Auzitegi Gorenak, Fiskaltzaren eta Gobernuaren demandak onartuta. Gorenaren arabera, Bildu ilegalizazioa saihesteko Batasunaren eta ETAren iruzurra zen.

Hala ere, bost egun geroago, Auzitegi Konstituzionalak Gorenaren epaia atzera bota zuen eta hauteskundeetan izateko baimena eman zion koalizioari.



Informazio gehiago:Eitb: Bildu berriz inpugnatzeko arrazoirik ez du aurkitu Fiskaltzak

43 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin