Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Bilbok nazioarteko aditu nagusienak bilduko ditu Internet egunean


2011-05-17 07:36

Bilbao Web Summit goi-bilerak sir Tim Berners-Lee World Wide Webaren sortzailea izango du hizlari.

Bilbao Web Summit Interneti eta teknologia berriei buruzko goi-bilerak nazioarteko aditu handienak bilduko ditu gaur, Internet egunean, eta bihar. Besteak beste, sir Tim Berners-Lee World Wide Webaren sortzaileak parte hartuko du goi-bileran eta sari bat jasoko du.

Berners-Leek, webaz gain, html hizkuntza eta http protokoloa asmatu zituen eta goi-bileran parte hartzen dutenek bere hitzaldia entzuteko aukera izango dute.

Saio horretan parte hartuko du, era berean, Chris Shipley Silicon Valleyko eragin handieneko emakumetzat jotzen denak ere. Silicon Valley San Frantziskon (AEB) dago eta teknologia berrien eta berrikuntzen alorrean sona handiena duten enpresak daude bertan.

Goi-bileran on-line bankuak, administrazio elektronikoa, telemedikuntza, hezkuntza digitala, hedabide digitalak eta Interneteko merkataritza gaiak jorratuko dituzte, besteak beste, eta azken egunean ondorioekin txosten bat egingo dute eta horrekin Sarean izango diren joeren ibilbide orria ezarriko dutela espero dute.

Anboto euskal enpresak antolatu du goi-bilera, W3C (World Wide Web Consortium) webaren gobernutzat jotzen denak lagunduta. Bilboko Udalak, Eusko Jaurlaritzak eta Zientzien eta Berrikuntza Ministerioak ere lagundu dute.

Cristina Garmendia Zientzia eta Berrikuntza ministroa eta Patxi Lopez lehendakaria izango dira hain zuzen ere Bilbao Web Summiten irekiera ofiziala egingo dutenak.



Informazio gehiago:Eitb: Bilbok nazioarteko aditu nagusienak bilduko ditu Internet egunean

83 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin