Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Bilbok hautagaitza aurkeztu du Diseinuaren Munduko Hiriburu izateko


2011-04-04 14:19

Urrian jakingo da zein hiri izango den irabazlea. Nazioarteko sariarekin aintzat hartzen da, diseinua hiria suspertzeko eta biztanleen bizitza kalitatea hobetzeko erabiltzea.

Bilbok hautagaitza aurkeztu du 2014an Diseinuaren Munduko Hiriburu izateko; nazioarteko sari horrekin diseinua hiria suspertzeko eta biztanleen bizitza kalitatea hobetzeko erabiltzea hartzen da aintzat.

Ekimenak Bilboko Udalaren, Bizkaiko Foru Aldundiaren eta Eusko Jaurlaritzaren babesa du beste instituzio eta erakunde ekonomiko eta sozial batzuekin batera, Udalak komunikatu baten bitartez jakinarazi duenez.

Diseinuaren Munduko Hiriburuaren saria, bi urtean behin banatzen du Montrealen (Kanada) egoitza duen International Council of Societies of Industrial Designsek; orain arte Turinek (lehen edizioan 2008an), Seulek (2010ean) eta Helsinkik (2012an) lortu dute.

Hautagaitza guztiak aurkeztu ondoren, datorren uztailean lehen aukeraketa egingo da; hiri horiek abuztuan bisitatuko dituzte World Design Capitaleko kideek.

Irailean, World Design Capitalen Batzorde Antolatzaileak hiri finalistak hautatuko ditu. Azkenik, urri amaieran emango dute jakitera Diseinuaren Munduko Hiriburua 2014an zein izango den, Taiwanen egingo den Diseinuaren Nazioarteko Erakusketaren ekitaldien barruan.

Bilboren hautagaitza diseinuaren munduko hainbat instituzio eta pertsona ospetsuk bermatu dute; hala nola, Miguel Sebastian eta Trinidad Jimenez, Industria eta Kanpo Harremanetarako ministroek, Philippe Starck diseinatzaileak edo Norman Foster eta Toshiko Mori arkitektoek.

src=http://www.eitb.com/multimedia/images/2010/08/01/330034/330034_P1020793_detalle_1.JPG/



Informazio gehiago:Eitb: Bilbok hautagaitza aurkeztu du Diseinuaren Munduko Hiriburu izateko

102 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin