Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Bilbo Diseinuaren Hiriburu izateko lehian jarraitzen duen jakingo dugu


2011-06-21 11:36

Nazioarteko sariarekin aintzat hartzen da, diseinua hiria suspertzeko eta biztanleen bizitza kalitatea hobetzeko erabiltzea.

Gaur jakingo dugu Bizkaiko hiriburuak 2014an Diseinuaren Munduko Hiriburu izateko hautagaien artean dagoen. Arratsaldean jakinaraziko dute.

Adituen arabera, diseinuaren hiriburutza eskuratzeko merituak ditu Bilbok, hiria berpizteko eta biztanleen bizi-kalitatea handitzeko balio izan duelako.

Guggenheim museoa omen da adierazlerik garantzitsuena, hiri diseinuaren nazioarteko erreferentea bihurtu delako.

Joan den apirilean aurkeztu zuen hautagaitza Bizkaiko hiriburuak. Nazioarteko sari horrekin diseinua hiria suspertzeko eta biztanleen bizitza kalitatea hobetzeko erabiltzea hartzen da aintzat.

Aukeratutako hiriak abuztuan bisitatuko dituzte World Design Capitaleko kideek, eta irailean hautatuko ditu hiri finalistak World Design Capitalen Batzorde Antolatzaileak. Azkenik, urri amaieran emango dute jakitera Diseinuaren Munduko Hiriburua 2014an zein izango den, Taiwanen egingo den Diseinuaren Nazioarteko Erakusketaren ekitaldien barruan.

Diseinuaren Munduko Hiriburuaren saria, bi urtean behin banatzen du Montrealen (Kanada) egoitza duen International Council of Societies of Industrial Designsek; orain arte Turinek (lehen edizioan 2008an), Seulek (2010ean) eta Helsinkik (2012an) lortu dute.

Ekimenak Bilboko Udalaren, Bizkaiko Foru Aldundiaren eta EuskoJaurlaritzaren babesa du beste instituzio eta erakunde ekonomiko eta sozial batzuekin batera, Udalak komunikatu baten bitartez jakinaraziduenez. Bilboren hautagaitza diseinuaren munduko hainbat instituzio eta pertsona ospetsuk bermatu dute; hala nola, Miguel Sebastian eta Trinidad Jimenez, Industria eta Kanpo Harremanetarako ministroek, Philippe Starck diseinatzaileak eta Norman Foster eta Toshiko Mori arkitektoek. 

src=http://www.eitb.com/multimedia/images/2010/08/01/330034/330034_P1020793_detalle_1.JPG/



Informazio gehiago:Eitb: Bilbo Diseinuaren Hiriburu izateko lehian jarraitzen duen jakingo dugu

96 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin