Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Bikotekidea giltzapetu zuen eta ur gazitua ematen zion prostituitzeko


2011-08-28 17:44

15 minuturo edalontzi bete ur gazi ematen zion, besterik hartzeko aukerarik gabe. Neska adin txikikoa da eta mutil-lagunak, erasotzaileak, 27 urte ditu.

Polizia Nazionalak gazte bat atxilotu du bere bikotekidea, adin txikikoa, Madrileko Usera auzoko etxebizitza batean bi egunez giltzapetuta izateagatik eta 15 minuturo ur gazitua edatera behartzeagatik, neska prostituitzen has zedin, Poliziak Madrileko Buruzagitzatik zabaldu duenez.

Neska Rumaniatik etorri zen duela egun gutxi bikotekidearekin batera; harremana hasi zenetik hiru hilabete inguru igaro ondoren.

Hiriburuan, bikotea turismoa egiten izan da, baina hirugarren egunean mutil-lagunak prostituitu behar zela esan zion, bidaia egitean sortutako zorra kitatzeko.

Neskak ezetz esan zionez, mutilak eraso egin zion eta Usera auzoko etxebizitza batean giltzapetuta utzi zuen. Zigor moduan, eta prostituituko zela esan arte, edalontzi bete ur gazi ematen zion, besterik hartu gabe.

Bi egun geroago, eta ustezko erasotzailea etxetik kanpo zegoen momentu batean, neskak alde egitea lortu zuen eta kalean zegoen bikote bati laguntza eskatu zion. Bikoteak polizia-etxera joaten lagundu zuen.

Operazioa burututakoan, agenteek baieztatu zuten atxilotuak agiri faltsuak eman zizkiola neskari, haren familiak ez baitzuen bere herrialdetik kanpo ateratzeko baimenik sinatu.



Informazio gehiago:Eitb: Bikotekidea giltzapetu zuen eta ur gazitua ematen zion prostituitzeko

192 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin