Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Bi turista AEBetatik deportatuta, Marilyn Monroe iraintzeagatik


2012-01-31 16:17

Los Angeleseko aireportura heltzerakoan, 24 eta 26 urteko lagun bikotea atxilotu eta hainbat orduz galdekatu zieten.

Zer egingo genuke Euskadin bi atzerritar heldu eta Mikel Laboa irainduko balute? edo are txarrago... Julen Guerrero edo Javier Clemente irainduko balituzte? Amerikako Estatu Batuetan argi daukate: herrialde horretako mitoak ukiezinak dira, eta horrela dela argi uzteko Twitterren Marilyn Monroetaz barre egin duten bi turista ingeles deportatu dituzte.

Gutxirako balio izan zitzaien Leigh Van Bryan eta Emily Buntingei hainbat orduz azalpenak ematen egon behar izana. Los Angelesko LAX aireportuko poliziak konbentzitzen saiatu ziren, baina Twitterreko mezuak ironiaz idatzita zeudela esateak ez zien askorako balio izan.

3 weeks today, we are totally in LA pissing people off on Hollywood blvd and diggin Marilyn Monroe up! izan zen Leigh Van Bryanen tuita, euskarara itzulita hiru astetan Los Angelesen izango gara Hollywood Boulevardeko jendeari txiza egiten eta Marilyn Monroe lurpetik ateratzen. Behin mezua irakurrita, agenteak bi gizon horiek noiz helduko zain egon ziren. Horrez gain, Amerika suntsitu egingo zutela esatea ez zitzaien oso baliogarria izan.

Hori dela eta, Los Angeleseko aireportura heltzerakoan, 24 eta 26 urteko lagun bikotea atxilotu eta hainbat orduz galdekatu zieten. The Sun egunkari britainiarrerako eginiko adierazpenetan, estatubatuar agenteek bost orduz galdekatu zietela aitortu dute.

Family Guy telesaileko aipua

Oporretan ondo pasatzea zen gure helburua. Hori da Leighen tuitetan ulertu daitekeen gauza bakarra azaldu du Emily Buntingek. Holliwood Boulevarden txiza egitea eta Marilyn Monroe lurpetik ateratzearen esaldia Family Guy telesailetik zuzenean hartutako aipua dela defendatu dute, eta Amerika suntsitzea festan ateratzearen sinonimo bezala erabiltzen dutela ziurtatu dute.

Marilyn



Informazio gehiago:Eitb: Bi turista AEBetatik deportatuta, Marilyn Monroe iraintzeagatik

52 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin