Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Bi iman hegazkin batetik bota dituzte bidaiariak deseroso zeudelako


2011-05-07 19:54

Bi bidaiariak kongresu batera zihoazen eta konpainia bereko beste hegaldi batean sartu zituzten. Hala ere, ez ziren kongresura garaiz iritsi.

Bi iman musulman Menphisetik Charlottera zihoan hegalditik bota zituzten, AEBetan, pilotuak horretarako agindua eman eta gero. Pilotuak bidaiarien deserosotasunak bultzatuta hartu zuen erabakia, AEBen eta Islamaren arteko Harremanen Batzordearen arabera.

Gertaera ostiralean izan zen, Menphiseko aireportuan, AEBetako hegoaldean. Masudur Rahman eta Mohamed Zaghloul imanak Islamaren Aurreiritzien Kongresu batera zihoazen.

Biek kleriko musulmanen arropak zeramatzaten soinean eta ateratzeko agindua jaso zuten hegazkina pistan zegoela.

Aire Garraioko Agintea (TSA) hegazkinean sartu zen eta bertatik atera zituen. Pilotuak beraiekin bidaiatzeari uko egiten ziola azaldu zuten, gainontzeko bidaiariak deseroso sentiarazten zituztelako, azaldu zuen Ibrahim Hooper, AEBen eta Islamaren arteko Harremanen Batzordearen bozeramaileak.

Jon Allen TSAko bozeramailearen arabera, hegazkinetik ateratzeko agindua airelineak hartu zuen, ez TSAk.

Guk bidaiariak aztertu genituen eta bidaiatzeko oniritzia eman genuen, gaineratu zuen.

Bi bidaiariak konpainia bereko beste hegaldi batean sartu zituzten, baina ez ziren Charlotteko kongresura garaiz iritsi.

Hopperen arabera, baliteke Osama Bin Ladenen inguruko egoerak sentsibilitatea handitu izana.



Informazio gehiago:Eitb: Bi iman hegazkin batetik bota dituzte bidaiariak deseroso zeudelako

76 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin