Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Bi gazte Zarautzeko labarretan zintzilikatu dira, kartzela saihesteko


2011-04-27 12:53

Bi gazteek zitazioa zuten gaur Auzitegi Nazionalean, terrorismoa goratzea egotzita kartzelatu zitzaten.

Gaur Auzitegi Nazionalean zitazioa zuten bi gazte Zarautzeko (Gipuzkoa) Santa Barbara mendiaren labarretan zintzilikatu dira, euren egoera salatzeko, eta uko egin diote beren burua entregatzeari.

Aritz Labiano eta Haritz Gartxotenea gazteei urtebeteko kartzela zigorra ezarri zien Auzitegi Nazionalak, 2009ko abenduaren 21ean Txiki eta Otaegi ETAko kideen aldeko manifestazio baimendu batean Gora ETA militarra eta Euskadi Ta Askatasuna oihukatzea egotzita. Bi pertsonak lekuko izan zirela esan zuten.

Hori horrela, Labianok eta Gartxoteneak zitazioa zuten gaur Auzitegi Nazionalean, kartzelatu zitzaten.

Eusko Jaurlaritzako Herrizaingo Sailak azaldu duenez, Ertzaintzak 08:45ean izan du haien ekintzaren berri. Eguerdian, zintzilik zeuden oraindik. Gainera, gazteek Utzi pakian mezua duen pankarta erraldoi bat jarri dute.

Ertzaintzak inguruetan zeuden pertsona batzuk identifikatu ditu.

Labarretan zintzilikatu baino lehen, Labianok eta Gartxoteneak bideo bat igo dute YouTuben, zergatik ez diren entregatuko azaltzeko. Horretan, gazteek nabarmendu dute Auzitegi Nazionalean euskaldunek ez dutela defentsarako tarterik, eta salaketa anonimo faltsu bat dela medio zigortu dituztela salatu dute.



Informazio gehiago:Eitb: Bi gazte Zarautzeko labarretan zintzilikatu dira, kartzela saihesteko

108 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin