Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Bi atxilotu Durangon eta Barakaldon bikoteei eraso egiteagatik


2011-11-19 11:11

Bi kasuetako biktimak ez dela erasoak jasan dituzten lehen aldia izan onartu dute.

Ertzaintzak bi gizonezko atxilotu ditu, horietako bat adin txikikoa Durango eta Barakaldon (Bizkia) euren bikoteei eraso egitea egotzita, herrizaingo sailak jakitera eman duenez.

Lehen atxiloketa, ostiraleko arratsaldeko hiruretan gertatu zen Barakaldon. Biktimaren seme batek Ertzaintzari deitu zion aita ama eta ahizpa jipoitzen ari zela eta. Gainera, aitak eskopeta batekin mehatxatzen ziela ohartarazi zuen.

Liskar baten ondorioz, gizonezkoak bere emaztea eta alaba ileetatik tira eta lurrera bota zituen eta eskopeta batekin mehatxatu zituen etxetik alde egiten saiatu zirenean. Ertzaintza bertaratzean, emakumeak odolezko zauriak zituela ikusi zuten eta ospitalera eraman zuten.

Biktimak esan duenez, ez da lehen aldia horrelako erasoak berak eta seme-alabek jasaten dituztela.

Ustezko erasotzailea atxilotua izan da indarkeria matxistako delitu bat egotzita. Gainera, etxebizitzan zituen hiru eskopeta hartu ditu Ertzaintzak.

Bigarren atxiloketa ostiraleko arratsaldeko seiak aldera gertatu zen. Mutil gazte batek, neska bati ostikadak ematen ari zizkiola ohartarazi zuen bizilagun batek, biktima Durangoko Tabira auzoan, lurrean zegoela esanez.

16 urteko neska gaztea eta bere mutil laguna, adin txikikoa baita ere, liskarrean zeuden eta erasotzailea ostikadak ematen ari zitzaion. Gainera, bere mutil lagunak eraso egiten zion lehen aldia ez zela onartu zuen neska gazteak.

Adin txikiko mutila atxilotuta dago eta indarkeria matxistagatik delitua leporatzen zaio.



Informazio gehiago:Eitb: Bi atxilotu Durangon eta Barakaldon bikoteei eraso egiteagatik

103 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin