Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Bi atentatuk gutxienez 87 hildako utzi dituzte Norvegian


2011-07-23 17:11

-Horietako 80 udaleku sozialdemokrata batzuetan hil dituzte erasoan.

- Poliziak 32 urteko gizonezko bat atxilotu du

.

Gutxienez zazpi pertsona hil dira gaur Oslon izandako atentatuan. Erasoa bonba-autoarekin egin dute Gobernuaren egoitzatik gertu. Ondoren, tiroketa bat jazo da udaleku batean, hiriburutik gertu. Poliziak baieztatu duenez, gutxienez beste hamar pertsona hil dira eraso horretan.

Ansar Al Jihad Al Alami talde jihadistak eraso terroristak aldarrikatu ditu komunikatu batean, The New York Times egunkariak jakitera eman duenez. Agiriaren arabera, Norvegiak Afganistanen duen jokabidearen aurkako erantzuna izan dira atentatuak, gaineratu du. Hala ere, erakunde islamiarrak informazioa gezurtatu du gutxi geroago Interneten.


Atentatuen egilea

Bi erasoak nazioarteko terrorismoa egin ez dituela uste du Norvegiako Poliziak. Mugimendu antisitema lokalak atentatuen egiletzat jo ditu Poliziak.

Osloko udalekuan egindako erasoaren egilea Norvegiako herritar bat da, Jens Stoltenberg lehen ministroak jakitera eman duenez.

Poliziak bi erasoak lotu ditu. Oslon jazotako atentatuan zazpi hildako eta gutxienez 15 zauritu izan direla jakinarazi du Poliziak. Erasoa Osloko erdialdean gertatu da, Gobernuaren barrutian.

Bestalde, gutxienez beste hamar lagun hil dira gazteria sozialdemokraten (UAF) udaleku batean, Utøyako uhartean, hiriburutik gertu. Jens Stoltenberg Norvegiako lehen ministroak hitzaldia eman behar zuen bihar kanpamentuan.

Hiriburuko leherketan ez da Gobernuko kiderik zauritu, Stoltenbergek telefonoz jakinarazi duenez. Non dagoen ez du jakinarazi Norvegiako buruzagiak, segurtasun arrazoiengatik. Egoera oso larria dela adierazi du Stoltenbergek.

Norvegiako zenbait komunikabideren arabera, bonba-autoaren helburua Energia eta Petrolio Ministerioa zen.


Erasoa udalekuan

Udalekuko tiroketa lehen erasoa gertatu eta bi ordu geroago jazo da. Utøyako uharteko instalazioetan 560 pertsona zeuden.

Erasotzailea poliziaz jantzita azaldu da eta tiroketaren ostean atxilotu dute, Poliziak jakitera eman duenez.

Gobernuaren egoitza eta erasoaren zona sokaz hesi du Poliziak Oslon. Bien bitartean, tren-geltokia eta zenbait merkataritza-gune hustu dituzte. Era berean, zona arakatu dute beste lehergailu batzuen bila.

Norvegiako komunikabide nagusietako erredakzio-bulegoak hustu ditu Poliziak: NRK irrati publikoa, VG, NTB eta Aftenposten egunkariak eta TV2 telebista.



Leherketa



Informazio gehiago:Eitb: Bi atentatuk gutxienez 87 hildako utzi dituzte Norvegian

173 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin