Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Beste hilobi bat ireki dute Itsasondon eta ez dute gorpuzkirik aurkitu


2012-01-17 08:36

Hilerriko hobi bat ireki zuten eta Donostian duela astebete gertatu zen bezalaxe, ez zen inolako gizaki arrastorik aurkitu.

Hilobi bat ireki zuten atzo Itsasondoko (Gipuzkoa) hilerrian, lapurtutako haurren beste kasu baten harira, eta ez zuten gorpuzkirik aurkitu, Radio Euskadik jakitera eman duenez.

Auzitegi-medikuak ordu eta erdiz aritu ziren lanean eta egur puskak besterik ez zituzten atera lokatzetatik. Hilarririk eta panteoirik ez zuen hilobiratze bat ikertzen aritu ziren, eta bertan egon ziren Ertzaintzako agente judizialak.

Hilobi bat ireki eta inolako gorpuzkinik aurkitzen ez duten hirugarren aldia da EAEn. Lehenengoa iaz izan zen Derion (Bizkaia), aurreko astean Polloen (Donostia) eta azkena atzo Itsasondon.

EAEko ospitaleetan ustez lapurtu dituzten haurren auziaren harira ari dira ikerketak egiten. Haurren heriotza faltsuak jakinarazi eta haurrak adopzioan ematen ote zituzten argitu nahi dute.

Azken kasu honen familiak ez du bere nortasunaren berri eman nahi ikerketa amaitu arte.



Informazio gehiago:Eitb: Beste hilobi bat ireki dute Itsasondon eta ez dute gorpuzkirik aurkitu

122 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin