Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Bertsolaritzaren Datu-Basea Interneten dugu dagoeneko


2011-06-10 19:04

Xenpelar Dokumentazio Zentroaren edukiak Internet bidez gizarteratzeko Bertsolaritzaren Datu-Basea izeneko berrikuntza teknologikoa aurkeztu du Bertsozale Elkarteak.

Bertsozale Elkarteak bdb.bertsozale.com Bertsolaritzaren Datu-Basea aurkeztu du ostiral honetan. Xenpelar Dokumentazio Zentroaren edukiak Internet bidez gizarteratzeko berrikuntza teknologikoa da, bertsolaritzari buruz bildutako dokumentazio guztia plazaratzeko tresna, alegia.

Proiektu honi esker, bertso saioen agenda, bertsolaritzan aritu edo ari direnen biografia-fitxak, gaurdaino izan diren txapelketa, lehiaketa eta sariketei buruzko informazioa, doinutegia, bertsoak eta Xenpelar Dokumentazio Zentroan jasotako grabazioei buruzko informazioa eskuragarri dago Interneten.

1991ean sortu zuen Bertsozale Elkarteak Xenpelar Dokumentazio Zentroa, bertsolaritzaren ondarea bildu, antolatu eta gizarteratuz, maila guztietako ikerkuntza bultzatzeko helburuarekin. Xenpelar Dokumentazio Zentroaren bilduma batez ere 1980tik aurrerako bertsolaritzaren ondareaz osatuta dago, eta, horrez gain, dokumentazio historikoa ere jasotzen du (bertso-paperak, liburuak, esku-orriak, grabazioak...).

Villabonako Subijana Etxea da Xenpelar Dokumentazio Zentroaren egoitza, eta bertan dira Bertsozale Elkarteko bulegoak eta Mintzola Fundazioa ere.

Nere



Informazio gehiago:Eitb: Bertsolaritzaren Datu-Basea Interneten dugu dagoeneko

225 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin