Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

?Bertsolari?, zinema aretoetan


2011-10-13 14:58

Asier Altunak zuzendutako dokumentalak bertsolaritza ezagutzeko barne bidaia bat proposatzen du. Las acacias, Contagion eta Mientras duermes ere estreinatu dituzte.

Bertsolari Asier Altunak idatzi eta zuzendu duen dokumentala da. Bertsolaritzari buruz euskaraz grabatutako lan honetan, besteak beste, Miren Amuriza, Jon Sarasua, Maialen Lujanbio, Andoni Egaña eta Ametsa Arzallus bertsolariek hartu dute parte. Donostiako 59. Nazioarteko Zinemaldiko Sail Ofizialean aurkeztu zuten, eta arrakasta handia lortu zuen.

Las Acacias Argentinan grabatu zuten, Armonika euskal ekoiztetxearekin elkarlanean, eta EITBren parte-hartzea izan du. Pablo Giorgellik zuzendutako lanak Horizontes saria irabazi zuen Donostiako 59. Nazioarteko Zinemaldian, Biarritzeko Latinoamerikar Jaialdian Abrazo saria irabazi zuen, eta Canneseko Nazioarteko 64. Zinemaldian, Camera d´Or saria.

Steven Soderberg zinema zuzendari ospetsuak Contagion aurkeztu du. Munduko biztanleak mehatxatu dituen gaitz bati buruzko lan honetan, Matt Damon, Jude Law, Kate Winslet, Gwyneth Paltrow, Marion Cotillard eta Laurence Fishburne aktore ospetsuek parte hartu dute.

Mientras duermes filmean, Luis Tosar eta Marta Etura aurkituko ditugu. Thriller hau Jaume Balaguerok zuzendu du eta atezain baten kontakizuna dakar. Eraikin bateko bizilagunen bizitzak gertutik ezagutzeko aukera ematen dio bere lanak, eta haien bizitzak kontrolatzen saiatuko da.

Taylor Lautner aktorea akziozko thriller batean ikusiko dugu: Sin salida filmean. John Singletonek zuzendu duen lan honetan bikote batek bahitu zuen gazte baten bizitza erakutsiko digute.

Another year Mike Leigh zinema zuzendari ospetsuaren lana da. 2010ean aurkeztu bazuen ere, oraintxe iritsi da gure zinema aretoetara. Gidoi onenaren Oscar sariagatik lehiatu zen lan honetan, Ruth Sheenek, Jim Broadbentek eta Oliver Maltmanek hartu dute parte.

One Day filmean, hogei urte elkarrekin eman dituzten bi bikotekide azalduko zaizkigu. David Nichollsek idatzitako izen bereko liburuan oinarrituta dago, eta, denborarekin, poztasunari eta malkoei esker existentziaren handitasunaz konturatuko dira.

Asier



Informazio gehiago:Eitb: ?Bertsolari?, zinema aretoetan

198 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin