Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Berlusconiren aurkako aldarria


2011-10-01 08:10

Enpresariak eta gotzaiak orain arte Berlusconiren babesle nagusienak izan direnak, orain bizkarra ematen diote. Hala ere, Berlusconi inoiz baino oldakorrago ageri da eta ez dela joango ziurtatzen du.

Italian hazten ari da Berlusconiren kontrako aldarria. Alde egiteko eskatzen ari zaizkienekin bat egin dute orain, enpresa munduko eta Elizako ordezkari garrantzitsuek.

Emma Marcegaglia, Confindustria Italiako enpresarien talde nagusieneko buruak esan du, Italia barregarri geratzen ari dela mundu osoan, Berlusconiren erruagatik eta horrek eragina duela Italiako lehiakortasunean.

Apezkiku batzarreko presidenteak, Angelo Bagnasco kardinalak esan du, Berlusconiren jarrerak moraltasunik eza erakusten duela, eta baietz, guzti horrek eragin zuzena duela Italiak nazioartean duen irudian. Beraz, enpresariak eta gotzaiak orain arte Berlusconiren babesle nagusienak izan diren arren, orain bizkarra ematen diote.

Bestalde, kalean ugaritzen ari dira ?mozalaren legea? izenez ezagutzen denaren kontrako manifestazioak. Lege horren asmoa, zailtasunak jartzea da komunikabideei, Italiako lehen ministroari eragiten dioten eskandaluak ikertzeko. Sexu-orgiez gain, ezin da ahaztu Berlusconi prozesatuta dagoela ekonomia eta politika gaiekin zerikusia duten ustelkeria auziengatik.

Hala ere, Berlusconi inoiz baino oldakorrago ageri da eta ez dela joango ziurtatzen du. Oposizioak joatea nahi badu, zentsura mozio bat aurkezteko esaten dio. Baina Berlusconik badaki Liga Nortek ez duela erortzen utziko eta parlamentuan boterean jarraitu ahal izateko beharrezko duen gehiengoa duela, oso justua izan arren.



Jesús



Informazio gehiago:Eitb: Berlusconiren aurkako aldarria

64 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin