Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Berdelaren kanpaina abian, baina arrantza kuota oso mugatuarekin


2012-02-19 16:26

Euskal arrantzaleak kexu dira, Europar Batasunak ezarritako kuota oso mugatua dela uste baitute.

Berdela harrapatzeari ekingo diote bihartik aurrera, baxurako euskal arrantzontziek. Legez joan den asteazkenetik baimenduta dago berdela arrantzatzea, baina baxurakoek euren artean adostu zuten bihar arte eustea.

Dagoeneko lehenengo ontziak irten dira portuetatik, gauerdiarekin harrapaketari ekiteko. Berdela badagoela diote, baina kanpaina ez dela ona izango uste dute, kuota oso mugatua baita.

Zortzi egunen bueltan espero dute euskal arrantzaleek aurten baimenduta duten kuota harrapatzea. Guztira 20 mila tona berdel, baina Kantauri itsasoko arrantzaleei zigorra ezarri zien Europak duela bi urte baimendutakoa baino 20 mila tona gehiago harrapatu zutela eta. Hortaz, bost urteko epean kopuru bikoitza, 40 mila tona, gutxiago arrantzatu ahal izango dute. Arrantzaleek salatu dutenez, Espainiako gobernuaren kudeaketa txarraren ondorioa da kuoten murrizketa.

Gipuzkoan 62 itsasontzik amuarekin eta sarearekin arrantzatzen dute eta Bizkaian 60 inguruk bi modalitateen artean.

Berdelaren arrantza urteko onuren zati garrantzitsu bat bilakatu zen, % 40ra iristen baitzen kasu batzuetan, baina arrantzaren mugak diru sarrerak ere murriztu egin ditu.

Kanpaina motza espero dute, eta ondoren, beste bien zain geldituko dira, antxoaren kanpaina eta hegaluzearena.

Berdelaren



Informazio gehiago:Eitb: Berdelaren kanpaina abian, baina arrantza kuota oso mugatuarekin

88 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin