Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Benetako Giocondarekin batera margotu zuten Pradoko Mona Lisa


2012-02-01 19:46

Madrilgo museoak jakin berri du bere artelana Da Vinciren tailerrean bertan sortu zutela, margolariak originala lantzen zuen bitartean. Bi Mona Lisa bikiak martxoan elkartuko dira berriz, Parisen.

Madrilgo Musoeak bere Mona Lisa propioa izan du azken 14 urteotan horman eskegita. Da Vinciren Giocondaren kopia bat da, baina, ikerketa berri baten arabera, orain arte uste zena baino garrantzi handiagoko artelana da.

Louvre museoan egin behar duten erakusketa baten harira, Pradoko lana aztertu dute, eta datu berriak ikusi dituzte fondo beltz baten azpian. Bertan, Toscanako pasaia bat aurkitu zuten, Da Vinciren lanean aurkitu zutenaren berdina. Ikerlarien arabera, kopia hau Leonardo da Vinciren tailerrean bertan margotu zuten, eta bertatik irten lehen kopietako bat izan daiteke.

XVI. mendearen lehen hiru herenekoa zela uste izan dute orain arte, eta Da Vinciren lanaren garaikidetzat jo izan dute. Baina, orain, bere bi ikasleetako batena izan daitekeela ere jakin dute: Andrea Salairena edo Francesco Melzirena.

Pradoko artelanari egin zizkioten zuzenketak Da Vincik berak egin zituenaren berdinak direla ikusi dute ikerlariek, eta, adituen ustetan, honek agerian uzten du Da Vincik egin zituen aldaketak bertatik bertara ikusi eta kopian sartu zituela bere ikasleetako batek.

Artistaren tailerrean landutako artelanen teknikarekin eta ezaugarriekin bat egiten du, eta beren ikasleek egin zuten kopietako bat da, azaldu du Prado Museoko adituetako batek.

Maiatzean Louvreko erakusketara eramango dute Madrilgo margolana, eta, bi Mona Lisa bikiak berriz elkartuko dira, Parisen.

Benetako



Informazio gehiago:Eitb: Benetako Giocondarekin batera margotu zuten Pradoko Mona Lisa

242 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin