Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Beldurrezko gaua, EITBn


2011-10-26 16:28

Halloween night short film streaming nightmare emanaldia eskainiko du urriaren 31n eitb.com-ek, 23:00etatik aurrera.

Zazpi film laburrek osatutako beldurrezko gaua egingo dugu eitb.com-en urriaren 31n, 23:00etan. Streaming bidez ikusi ahal izango diren lan hauen bitartez, Halloween night short film streaming nightmare saioak genero honetako hainbat lan erakutsiko ditu.

Eskainiko diren lanen artean La guerra (Luis Alejandro Berdejo eta Jorge Dorado) lana dago. Estreinatu zutenetik, 60 sari baino gehiago eskuratu ditu eta 2007an Goya Sarietan parte hartzeko izendatu zuten. Ikusleek oso gustuko dute Birdboy animaziozko film laburra ere. Foyle Film Festival jaialdia (Derry, Irlanda) irabazi ostean, 2012ko Oscar sarietan parte hartzeko lehen aukeraketan aurrera egin du.

Zombies & cigarettes (Rafa Martínez eta Iñaki San Román, 2009) nazioartean arrakasta handia izan duen filma ere ikusi ahal izango da. Zombiak eta gore-a nahasten dituen lan honek Clermont-Ferrandeko jaialdi ospetsuan, eta AEBetako eta Erresuma Batuko hainbat jaialditan parte hartu du.

Jugando con la muerte (2010) Paul Urkijoren film laburrak, bestalde, Sitgeseko 2010eko jaialdian parte hartu zuen eta Cotton Candy (Aritz Moreno), berriz, Valentziako, Villafrancako eta Punta Umbriako jaialdietan saritu zuten, besteak beste.

Tras los visillos (Gregorio Muro eta Raúl López, 2008) 2008an Kimuak katalogoan parte hartu zuen film laburrak ere arrakasta handiz zeharkatu du film laburren nazioarteko zirkuitua, eta hainbat lan irabazi zituen.

Hau da jatorrizko bertsioan Halloween night short film streaming nightmare emanaldian eskainiko diren film laburren zerrenda:

Jugando con la muerte, Paul Urkijo (2010)
Zombies and cigarettes, Rafa Martínez eta Iñaki San Román (2009)
Tras los visillos, Gregorio Muro eta Raúl López (2008)
La guerra, Luis Alejandro Berdejo eta Jorge Dorado, (2005)
El chef, Iñigo Kintana (2009)
Cotton Candy, Aritz Moreno (2008)
Birdboy, Alberto Vázquez eta Pedro Rivero (2010)


Rafa



Informazio gehiago:Eitb: Beldurrezko gaua, EITBn

64 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin