Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Behatokiak premiazko neurriak eskatu ditu euskaraz bizitzeko


2011-12-27 19:13

Administrazio guztiek sistematikoki euskaldunen eskubideak urratzen dituztela salatu dute.

Hizkuntza Eskubideen Behatokiak ohartarazi du premiazkoa dela neurriak hartzea euskaraz bizitzeko eskubidea bermatu ahal izateko eta administrazio guztiek sistematikoki euskaldunen eskubideak urratzen dituztela salatu du.

Garbiñe Petriati Behatokiaren presidenteak esan du hamar urtetan ez dela aurrerapauso esanguratsurik eman euskararen erabilerari dagokionez, izan ere, Jaurlaritzak eta Nafarroako, Espainiako eta Frantziako gobernuek ez dute urrats eraginkorrik egin hizkuntz eskubideak bermatzeko.

Petriatik azaldu duenez, Iparraldean euskararen biziraupena bera dago arriskuan, ikustezina baita administrazioarentzat. Nafarroan, berriz, Foru Gobernuaren politikak euskararen garapena galarazten duela kritikatu du.

Espainiako Gobernuari dagokionez, Behatokiak salatu du bere legea hausten duela eta euskara marjinatu egiten duela administrazio elektronikoan.

Merkataritza eta ekonomia alorretan euskaraz jardun ahal izatearen inguruan, EAEn soilik aitortzen dela azpimarratu dute, baina hala ere, ez omen da aldaketa nabarmenik izan.

Hamar urteko ibilbidean, Behatokiak 9.514 espediente kudeatu ditu, horietako 8.536 kexak ziren, eta % 60 Nafarroatik eta Gipuzkoatik iritsitakoak.



Informazio gehiago:Eitb: Behatokiak premiazko neurriak eskatu ditu euskaraz bizitzeko

47 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin