Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Bateraguneko auzipetuak absolbitzea eskatu dute


2011-07-14 14:23

Hainbat agente politiko eta sozialek (Lokarri, Alternatiba, EHNE, etab.) epaiketa politikoen amaiera aldarrikatu dute.

Ezker abertzaleko hainbat kolektibok, Lokarrik, Alternatibak, EHNEk, LABek eta beste batzuek Bateragune auziko zortzi auzipetuak absolbitzea eta legez kanpo dauden alderdi politikoen legalizazioa eskatu dute, bake eta normalkuntza politikoa lortzeko prozesuan aurrera egiteko.

Bilbon egindako agerraldian Bateragunen auzipetutako bi lagun egon dira, Rafa Diez Usabiaga LABen idazkari nagusi ohia (Fiskaltzak 10 urteko zigorra eskatzen du eta herri akusazioak 14) eta Txelui Moreno (fiskalak kendu egin zuen akusazioa eta Voces contra el Terrorismok 8 urtera jaitsi zuen kartzela-zigor eskaera).

Ainhoa Etxaide LAB sindikatuko idazkari nagusia, Oskar Matute Alternatibako bozeramailea eta EHNEko eta Lokarriko ordezkariak ere bertaratu dira.

Irakurri duten adierazpenean epaiketa politikoak eta jarduera politikoa kriminalizatzeko botere judizialaren erabilera amaitzea eskatu dute.

Hori horrela, normalkuntza politiko eta demokratikorako prozesuan aurrera egiteko oinarrizko aldarrikapen gisa aurkeztu dituzte Bateraguneko auzipetuen absoluzioa eta alderdi guztien legalizazioa.

EBk ere absoluzioa eskatu du

Mikel Arana EBren koordinatzaile nagusiak ohar bat igorri du auzipetu guztien absoluzioa exijitzeko, akusazioek duten oinarri falta ikusita.

src=http://www.eitb.com/multimedia/images/2011/07/14/511523/511523_BATERAGUNE_detalle_1.jpg/



Informazio gehiago:Eitb: Bateraguneko auzipetuak absolbitzea eskatu dute

223 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin