Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Basagoitik dio ardura berriak ez duela lehendakariaren lana kaltetuko


2012-02-06 12:54

Zabaletak (Aralar) uste du PSOEren Kongresuak ondorioak izango dituela bai Patxi Lopezen Jaurlaritzan, bai Yolanda Barcinaren Gobernuan.

Antonio Basagoiti PPren EAEko presidentearentzat normala eta errespetagarria da Patxi Lopez lehendakariak PSOEren barruan daukan ardura berria eta lehendakariaren eguneroko lanari ez diola eragingo azpimarratu du.

Herri Irratian egin dioten elkarrizketa batean azaldu duenez, oso ongi iruditzen zaio PSEk PSOEn hartzen duen pisua asteburuko Kongresuaren ondoren, urte batzuetan lehendakariak EAJrekin zubi lanak egin ondoren.

Gainera, ez du uste lehendakariak alde egin nahi duenik, izan ere, ez dago arazorik lehendakari eta alderdiko Zuzendaritzako kide izateko.

Zabaletak hauteskunde mugimenduak iragarri ditu

Patxi Zabaleta Aralarren koordinatzaileak hauteskunde mugimenduak iragarri ditu Nafarroan eta EAEn eta Patxi Lopez lehendakariaren kasuan, PPren babesa jasotzea gero eta zailagoa izango duela aurreikusi du.

Onda Vascan egin dioten elkarrizketa batean azaldu duenez, PSOEk asteburuan egindako Kongresuak ondorioak izango ditu bai Patxi Lopezen Jaurlaritzan, bai Yolanda Barcinaren Gobernuan.

Nafarroako egoera politikoki jasanezina dela esan du eta are zailagoa izango da sozialistak Madrilen oposizioa egiten hasten direnean.

PPren Gobernua egiten ari den eskuineko politika zaharkituak oposizioa egitera eraman behar ditu Jimenez eta Patxi Lopez, beraz, PPrekin duten koalizioa krisian murgilduko da epe ertainean, berretsi du.

Antonio



Informazio gehiago:Eitb: Basagoitik dio ardura berriak ez duela lehendakariaren lana kaltetuko

28 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin