Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Barkosek indartsu itzuli da politikara


2011-03-18 12:51

Nafarroa Bairen Iruñeko Udaleko bozeramaile eta Kongresuko diputatua lanera itzuli da. Martxoaren 2an bularreko minbizia kentzeko ebakuntza egin zioten.

Uxue Barkos Iruñeko Udaleko Nafarroa Bairen bozeramaile eta Kongresuko diputatua indartsu itzuli da politikara. Martxoaren 2an bularreko minbiziagatik egin zioten ebakuntzaren ostean lehenengo udal batzarrera joanda.

Udaletxera iritsi denean Barkosek kazetariei adierazi dienez, poliki-poliki ekingo dio politika jardunari, medikuek hala eskatu diotelako. Hori horrela, gaur poliki-poliki hasteko egun egokia zela esan du.

Etxetik lan egiteko asmoa duela zaldu du Barkosek, osatzeko prozesua eta aste honetan bertan hasiko duen tratamendua egoki hasi eta bukatzeko asmoz. Hori horrela, medikuek esaten diotenaren arabera Udaleko eta Kongresuko lanak egiten hasiko dela esan du.

Oraindik tratamendua dut egiteko, baina egia da esperientzia honekin asko ikasiko dudala, emakume asko ezagutzen ari naiz eta eredu bilakatu dira niretzat gaixotasunari aurre egiteko, azpimarratu du maiatzeko udal-hauteskundeetan Iruñeko alkategai izango denak.

Animoz oraindik baxu dagoela aitortu du, baina talde lanean jarduteko indartsu.

Barkosek azaldu duenez: Hauteskunde-kanpaina egokitu egingo dugu tratamenduan dagoen hautagai bati dagokion modura, baina ez dugu talde edo proiektu txikiagoa osatuko.

Beldurrik ez duela esan du Barkosek, baina kezka logikoa baduela, ezagutzen ez dugunarekiko beldurra besterik ez.



Informazio gehiago:Eitb: Barkosek indartsu itzuli da politikara

101 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin