Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Balizko koalizioari ateak ez ixteko eskatu dio Bilduk EAJri


2011-08-11 14:59

Maiorga Ramirezek eta Txeluik Morenok positibotzat jo dute Aralarren erantzuna eta EAJk proposamenaren xehetasunak ezagutzeko bilera egiteko prest agertu izana.

Bilduko ordezkariek agerraldia egin dute Iruñean duela egun batzuk hautagaitza abertzale bakarra osatzeko EAJri eta Aralarri egindako proposamenak eragin dituen iritziak baloratzeko eta datozen asteetan bi alderdiekin bilerak egingo dituztela jakinarazi dute.

Maiorga Ramirezek eta Txelui Morenok berretsi egin dute eskua luzatuta dutela datozen hauteskunde orokorretara EAJrekin eta Aralarrekin koalizio bakarrean aurkezteko, interes alderdikoiak albo batean utzita.

Proposamena asmo eraikitzailearekin eginda dago, irekia da eta ezberdinen arteko akordioa bilatzeko prest gaude, adierazi dute. Balentriaz jokatzeko deia egin diete EAJri eta Aralarri, erantzukizun historikoaz aritzeko eta jokoan dagoenaz jabetzeko unea iritsi direla erantsi dute.

Horrez gain, Txelui Morenok proposamen horren aurrean Aralarrek eta EAJk izan dituzten erreakzioak izan ditu hizpide.

Bi alderdiak proposamena aztertzeko Bildurekin batzartzeko prest agertu izana positibotzat jo du Morenok. Bilera horietan egitasmoaren xehetasunak aztertuko dituzte eta, ondorioz, aldez aurretik balizko koalizoari ateak ez ixteko deia egin du.

Aralarren erreakzioa

Aralarrek indar abertzaleak batzeko apustu egin du, baina zehaztapen batzuekin, Nafarroan adibidez NaBaik Bilduk baino boto gehiago eskuratu dituelako. Morenok argitu du euren proposamenean ez dela sigletaz eta betoetaz hitz egiten, helburua norabide jakin batean indarrak metatzea da, azpimarratu du.

EAJren erreakzioa

EAJri dagokionez, onartu du erantzuna ez dela hain positiboa izan, besteak beste, gaur bertan Joseba Egibarrek balizko koalizio hori erreala ez dela esan eta gero.

Alabaina, proposamen hori aztertzeko bilera egiteko asmoa erakutsi izana positibotzat jo du. Hauteskundeen ostean Kongresuan nortasun nazionalari edo kulturari lotutako gaietan adibidez akordioak lortzea posible izan daitekeela esan dute, eta guk uste dugu akordioak gero posible izan ahal badira, orain ere posible direla, nabarmendu du Morenok.

Amaitzeko, berriro esan du azaroaren 20ko hauteskundeak oso garrantzitsuak izango direla. Bakerako eta normalkuntza politikorako prozesuari bultzada ematea egongo da jokoan, baita historikoa den euskal gatazka politikoari konponbidea bilatzea ere, adierazi du Morenok.

Horrenbestez, Bilduren helburua bide horretan indarrak metatzea da, siglak albo batean utzita, erantsi du.




Informazio gehiago:Eitb: Balizko koalizioari ateak ez ixteko eskatu dio Bilduk EAJri

107 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin