Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Auzitegi Nazionalak presoen eskubideen aldeko martxa bat debekatu du


2011-05-07 16:00

Auzitegi Nazionaleko Eloy Velasko epaileak kaleratutako autoan zehazten du ez dela biziarteko zigorraren aurkako manifestazioa Jon Agirre ETAko preso ohiaren omenaldia, baizik.

Eloy Velasco epaileak debekatu egin du gaur 18:00etan Arrasaten egitekoak ziren manifestazioa, Jon Agirre Aguiriano Elurtxuri, maiatzaren 3an 30 urte kartzelan pasata kalera irten zen preso ohiari, omenaldia egiteko aitzakia dela argudiatuta.

Auzitegi Nazionaleko epaileak erabaki hori fiskalaren laguntzarekin hartu du, eta autoan terrorismoari goratzarre egitea ekidin nahi duela zehaztu du, manifestazioa Espainian existitzen ez den biziarteko kartzela zigorraren aurkako protesta demokratikoa ez dela ulertzen duelako, ETAko preso ohiari omenaldia baizik.

Arrasateko Herriko Plazan hasi eta amaitzekoa zen manifestazioa, atzo baldintzekin baimendu zuen Ertzaintzaren zuzendariak, Elurtxuri preso ohiaren omenaldia izan zitekeenaren zantzuak aurkitu ostean.

Polizia Nazionalak, Guardia Zibilak eta Ertzaintzak hainbat informe jaso ostean ikusi omen dute deialdia egin dutenak Etxerat, Ezker Abertzalea edo LAB sindikatuaren moduko elkarteetako kideak direla; horien artean Ion Agirre herri Ekimena nabarmendu du epaileak, preso ohiari babesa emateko erakundea, alegia.

Txostenaren arabera gainera, manifestazioa egitekoa zen gunean oholtza bat dago jarrita eta hori, epailearen arabera, horrek duen zentzu bakarra iruzur egiteko ekitaldi baterako jarri dutela da.

Eloy Velascok manifestazioa debekatzeko autoan ematen duen beste argudio bat, manifestazioa deitu duten web orrietan Jon Agirre bizi arteko kartzela zigorra izan duen eskualdeko preso moduan aurkezten dutela da.

Ebazpenean azkenik, Velascok Eusko Jaurlaritzako Herrizaingo Sailburuari eskatzen dio Ertzaintzak, Poliziak eta Guardia Zibilak beharrezko neurri guztia har ditzala debekua bete dadin.



Informazio gehiago:Eitb: Auzitegi Nazionalak presoen eskubideen aldeko martxa bat debekatu du

124 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin