Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Auzitegi Nazionalak espetxealdia ezarri die Bruño Azpiroz ahizpei


2011-06-29 21:12

Auzitegi Nazionalak ETAri iraultza zerga ordaintzeagatik ezartzen duen lehen espetxe-zigorra ezarri du. Urte bat eta hiru hilabeteko kartzela zigorra ezarri die, baina ez dira espetxera joango.

Auzitegi Nazionalak lehendabizikoz espetxe zigorra ezarri die enpresaburu biri ETAri ordaintzeagatik. Auzitegi Nazionalak urte bat eta hiru hilabeteko espetxealdia ezarri die Blanca eta Maria Isabel Bruño Azpiroz ahizpei ETAri 6.000 euro ordaintzeagatik 2003 eta 2006 urteen artean estortsio gutunak jaso ostean. Hala ere, ez dira espetxera joango.

Halaber, Andres Bruño e Hijos enpresan kargua betetzeko hiru urte eta lau hilabeteko erabateko ezgabezia ezarri die.
Ahizpek beldur gainditu ezina izan zutela, eta horrek jokabide salbueslea suposatzen duela uste du Auzitegi Nazionalak. Izan ere, fiskalak, 5 urteko kartzela zigorra eta 27.000 euroko isuna eskatu zituen Rosa eta Maria Isabel Bruño ahizpentzat, baina ez dira kartzelara joango.

Auzitegi Nazionaleko bigarren gelako Jose Ricardo de Prada Solaesa epailearen boto partikularra izan du epaiak; izan ere, epaile hori auzipetuen absoluzioaren alde zegoen.

Bi ahizpek erakundearen gutunak jaso zituztela onartu dute, 2003an eta 2006an hain zuzen, baina ukatu egin dute exijitzen zitzaien dirua inoiz ordaindu izana.

ETA-ren kolaboratzaile ez, biktimak direla azpimarratu dute, duela 30 urte euren aitak lehen aldiz iraultza zergaren gutuna jaso zuelako, eta egun Justiziaren biktimak euren kontra hasitako epaiketagatik. Horrexegatik azpimarratu dute iraingarria dela ETAko kolaboratzaile izatea leporatzea ETAren biktimak direnean.

2008an Thierry atxilotu zuten Polizia operazioan, ETAk bi ahizpei ordainketa eskertzeko igorri zien gutun bat atzeman zieten.



Informazio gehiago:Eitb: Auzitegi Nazionalak espetxealdia ezarri die Bruño Azpiroz ahizpei

53 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin