Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Auzitegi Gorenak gaur idatziko du Sorturen aurkako autoa


2011-03-30 07:54

61. artikuluko aretoa batzartu egingo da gaur berriz. Ondoren, Sortu legeztatzearen alde agertu ziren epaileek boto partikularrak erabaki beharko dituzte.

Auzitegi Gorenaren 61. artikuluko areto berezia batzartu egingo da gaur Sortu legeztatzea errefusatzen duen autoa idazteko.

Nolanahi ere, baliteke gaur ez jakinaraztea autoaren edukia, Sortu legeztatzearen alde agertu ziren epaileek boto partikularra idazteko denbora izan dezaten.

Bozketan, aretoa osatzen duten 16 epaileetako zazpi agertu ziren alderdi abertzaleari hauteskundeetan parte hartzen uztearen alde, baina hiruk baino ez zuten iragarri boto partikularra idazteko asmoa (Manuel Alarcon, Rafael Gimeno-Bayon eta Jose Luis Calvo Cabello).

Hala ere, baliteke azkenean boto partikular bakarra aurkeztea, Juan Antonio Xiol Rios epaileak idatzita, eta Sorturen alde agertu ziren gainerako seiek ere sinatzea, jarrera horrek indar handiagoa izan dezan Auzitegi Konstituzionalean, Sortuk aurkeztuko duen helegiteari begira.

Duela astebete, Auzitegi Gorenak aintzat hartu zituen Estatuko Abokatutzaren eta Fiskaltzaren eskaerak, eta galarazi egin zuen Sortu legeztatzea, Batasunaren jarraipena dela argudiatuta.



Informazio gehiago:Eitb: Auzitegi Gorenak gaur idatziko du Sorturen aurkako autoa

58 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin