Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Autoen batez besteko abiadura kontrolatuko dute Ordiziatik Iruraino


2011-03-23 13:31

N-1ean jarri dituzten aparailuen bitartez 19 kilometroko tartea kontrolatuko dute. Autoen gehienezko abiadura 100 km/h da, eta kamioien kasuan 90 km/h.

Eusko Jaurlaritzaren Trafiko Zuzendaritzak batez besteko abiadura kontrolatzeko makinak jarri ditu N-1en, Ordizian eta Iruran, bi udalerri horien artean ibilgailuak azkarregi joan ez daitezen.

Radarrek Ordiziatik Irura joaten diren ibilgailuen abiadura kontrolatuko dute, alderantziz ez.

Kamara batek autoa erregistratuko du lehenik Ordizian eta gero Iruran. 19 kilometroak egiteko ibilgailuak behar izan duen denbora jakinda, batez besteko abiadura kalkulatuko du makina batek eta azkarregi joan ote den jakingo dute. Autoen kasuan gehienezko batez besteko abiadura 100 km/h izango da, eta kamioen kasuan 90 km/h.

Gaur jarri da martxan kontrol-sistema, baina ekaina arte ez dira isunak jartzen hasiko. Jaurlaritzak azaldu duenez, lehen aldia da Estatuan batez besteko abiadura kontrola tunel batetik kanpo jartzen dutela.

Eusko Jaurlaritzak makina bakarra erosi du batez besteko abiadura kontrolatzeko. N-1en frogak egin ondoren, EAEko beste errepide batzuetan jarriko dute eta lekuz aldatuko dute aldian behin. Sistemak arrakasta izanez gero, beste makina bat erosiko dute.

Seinaleak jarriko dituzte abiadura kontrolatzeko sistema bat jarri dutela ohartarazteko, beraz, gidariak beti jakingo du abiadura kontrolak egongo direla.



Informazio gehiago:Eitb: Autoen batez besteko abiadura kontrolatuko dute Ordiziatik Iruraino

102 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin