Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Aukera hobeagoaren faltan, Romney


2012-02-29 10:03

Mitt Romneyk ez du zirrara handia piztu boto-emaileen artean, baina faborito da hala ere, Santorum oso muturrekoa dela uste baitute askok.

Mitt Romneyk aurrerapauso garrantzitsua eman zuen atzo Alderdi Errepublikanoko hautagai izateko azaroan Estatu Batuetan presidentea aukeratzeko egingo diren hauteskundeetara begira.

Romneyk garaipena lortu zuen Arizonan eta Michiganen, baina azken estatu horretan estu ibili da eta justu-justu irabazi dio Rick Santorumi. Kontuan izan behar da Michiganen jaioa dela Romney eta bertako gobernadore izan zela bere aita.

Santorum alderdiko alderik kontserbadoreenaren ordezkari da Alderdi Errepublikanoaren baitan, Tea Partyren babesa du eta han ?balore moralak? deitzen diotenetan oinarritu du bere kanpaina: abortoaren kontrako jarrera azaltzen du, homosexualen arteko ezkontzen aurka dago, eskoletan errezatzea derrigortzearen alde edo Darwin-en eboluzioaren gaineko teoria irakastea debekatzearen alde besteak beste.

Santorum katolikoa da eta zazpi seme-alaben aita, eta eskuin erlijiosoaren botoa erakartzea lortu du. Horiek, gainera, ez dira fio Romneyrekin, mormoia delako.

Dena den errepublikano askok uste dute Santorum oso muturrekoa dela, eta ez duela aukerarik egungo presidenteari, Barack Omabari, irabazteko datorren azaroan egingo diren hauteskundeetan. Horregaitik, agian azkenean hobeto pentsatu eta Romneyri botoa ematea erabakitzen dute.

Hurrengo norgehiagoka datorren asteartean izango da, alderdi errepublikanoko primariak egingo dira beste 10 estatutan.

Jesus



Informazio gehiago:Eitb: Aukera hobeagoaren faltan, Romney

50 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin