Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Atentatua jasan izanaren itxura egin zuen guardia zibila epaituko dute


2012-01-11 08:18

2009ko azaroaren 29ko gauean gertatu zen Leitzako kuartelean. Salvador Melendez, 32 urteko guardia zibilari bere buruari bala zauriak egitea leporatzen diote.

Leitzako kuartelean atentatua jasan izanaren itxura egin zuen guardia zibil bat epaituko dute gaur Iruñean.

2009ko azaroaren 29ko gauean gertatu zen Leitzako kuartelean. Salvador Melendez, 32 urteko guardia zibilak bala zauriak zituen besoan eta bere kideei esan zien ETAren erasoa jasan zuela. Besoan tiro egin eta ezezagun batzuk ihesi ikusi zituela adierazi zien.

Eguerdi alderako, ordea, segurtasun indarrek eurek ETAren atentatu jo zutena, muntaia hutsean gelditu zen. Auzitegi-medikuen frogek argi utzi zuten guardia zibilak bere buruari egin ziola tiro eta ez zela inolako lehergai arrastorik hodietan.

Delitu itxurak egin eta kale-istiluak eragiteagatik inputatu zuen epaileak Leitzako guardia zibila eta gaur egingo da haren kontrako epaiketa Iruñeko Zigor Epaitegian. Fiskalak zortzi hilabeteko kartzela-zigorra eta zortzi hilabetez egunero hamar euroko isuna eskatu du Salvador Melendez guardia zibilarentzat.

Hori bai, aringarriak ere izango ditu auzipetuak, izan ere, ezgaitasun psikikoak zituela eta egin zuena ulertzeko ez zela gai dio fiskalak.

Zortzi guardia zibilek deklaratuko dute lekuko modura gaur Iruñean eginen den epaiketan.



Informazio gehiago:Eitb: Atentatua jasan izanaren itxura egin zuen guardia zibila epaituko dute

103 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin