Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Atenas, errauts artean: 48 sute, 100 zauritu eta 130 atxilotu


2012-02-13 12:50

Greziarrak kalera atera ziren atzo troikaren murrizketen aurka, eta 2008tik izandako istilu bortitzenak jazo ziren.

Atenas errauts artean esnatu da gaur, atzoko Parlamentuak troikaren murrizketak onartu eta gero sortutako istilu bortitzen ondorioz.

Murrizketak onartzea ezinbesteko baldintza zen troikak (Europar Batasuna, Nazioarteko Diru Funtsa eta Europako Banku Zentrala) 130.000 milioi euroko mailegua emateko. Besteak beste, aurten 15.000 funtzionario kaleratzea eta gutxieneko soldata % 22 jaistea onartu du Parlamentuak.

Hori horrela, greziarrek azken aldiko manifestazio jendetsuenetako bat egin zuten atzo, eta ondoren istiluak sortu ziren, duela lau urte Poliziak Alexis Grigoropulos gaztea hil zuenetik izandako handienak.

Poliziaren arabera, 100dik gora pertsona zauritu ziren, tartean 68 polizia. Halaber, 130 atxilotu egin zituzten.

Manifestariek hainbat eraikinen aurka egin zuten, eta suteak izan ziren 48tan, hala nola bankuetan eta XIX. mendeko zinema-areto batean.

Poliziaren bozeramaile batek Reuters agentziari aitortu dionez, indarkeria beste hainbat hirira ere zabaldu zen, Tesalonicara, Corfura eta Cretara, kasu.

Gainera, 150 dendari ere eraso zieten, eta bertako produktuak lapurtu.



Informazio gehiago:Eitb: Atenas, errauts artean: 48 sute, 100 zauritu eta 130 atxilotu

58 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin