Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Arriola: Elorza hautagai bikaina izango litzateke hauteskundeetan


2011-08-31 10:56

Etxebizitza eta Gizarte Gaietako sailburuak eta Gipuzkoako PSEren idazkari nagusiak uste du posible dela Donostiako alkate ohia Gipuzkoako zerrendaren buruan egotea.

Iñaki Arriola, Etxebizitza eta Gizarte Gaietako sailburuak eta Gipuzkoako PSEren idazkari nagusiak esan du Odon Elorza Donostiako alkate ohia hautagai bikaina izango litzatekeela PSEren Gipuzkoako zerrendan lehen tokian egoteko, datorren azaroaren 20ko hauteskunde orokorretan. Erabakia ez dago hartuta, Radio Euskadin asteazkenean izandako elkarrizketa batean esan duenez, eta aukera gehiago daude: Jende oso ona dugu, aipatu du, nahiz eta Elorzaren hautagaitza posiblea dela baieztatu duen. Arriolak espero du PSE Gipuzkoako lehen indarra izatea hauteskundeetan eta, halaber, esan du PSOEk gobernuan egoteko itxaropenarekin joango dela hautestontzietara.

Etxebizitza Sailburu bezala, era berean, Iñaki Arriolak esan du bere sailetik ikusi dutela babestutako etxebizitzen esleipendunen uko egiteen kopuruak gora egin duela. Arriolak uste du egoera ekonomikoaren eraginez gertatu dela hori; izan ere, BOEen onuradun askok ez dute krisia hasi aurretik zituzten aukerak, euren lan-egoerarengatik edo kreditua lortzeko zailtasunengatik. BEZaren balioa murrizteko neurriaz galdetu diotenean (saldu gabe dauden etxebizitzek irteera izateko), Sailburuak esan du ekimen horren helburua etxebizitzen stocka ezabatzea dela, bankuek eta kutxek kreditu berriak eman ahal izateko eta dirua ibiltzeko.

Iñaki



Informazio gehiago:Eitb: Arriola: Elorza hautagai bikaina izango litzateke hauteskundeetan

83 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin