Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Arrantzaleak kezkaturik daude berdelaren arrantzaren itxieragatik


2011-03-05 07:38

Arrantzaleek bi astetan baimendutako kupoa harrapatu dute. EBk Itsasoko Idazkaritza Nagusiak agindutako ?behar baino lehenagoko itxiera? honen azalpenak eta ondorioak eskatu ditu.

Aurtengo berdelaren arrantza azken urteetako laburrenetarikoa izan da. Arrantzaleek Europar Batasunak onartzen dituen 20.000 tonatako kupoa hamabost egunetan harrapatu dute. Berdelaren arrantza Kantauri itsasoko baxura flotarentzat oso garrantzitsua da, antxoa eta hegaluzeen arrantzarekin batera.

Arrantzaleek diotenez, berdela harraparia da eta harrapatzen baldin ez bada, antxoa bezalako espezieentzat mehatxua izango litzateke.

Berdelaren kanpaina aztertzeko asmoarekin, Gobernu zentralaren ordezkariak eta arrantzaleen kofradien ordezkariak Madrilen bilduko ziren atzo, ostiralean.

Bestalde, EBko koordinatzaile nagusia Mikel Aranak, Pilar Unzalu Ingurumen sailburuari behar baino lehenagoko itxiera honen azalpenak eta ondorioak eskatu dizkio. Aranak Ingurumenaren Ministerioak inguraketako arrantza-ontzi eta arraste-ontzien itxiera, lehenengoentzat martxoaren 3an eta bigarrenentzat martxoaren 5ean, hitzartu duela gogoratu du ohar batean.

Aranaren hitzetan, berdelaren arrantzaren behar baino lehenagoko itxiera honek europar agintariek jarritako zigorra izan da eta beraz, itsasontzi frantsesek kanpainaren itxiera arte arrantza egiten jarraitu ahal izango dute.




Informazio gehiago:Eitb: Arrantzaleak kezkaturik daude berdelaren arrantzaren itxieragatik

51 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin