Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Ares: PSOEko organoek hartu behar dute azken erabakia, ez Zapaterok


2011-05-25 12:54

Herrizaingo sailburuak esan du Zapaterok adierazitako jarrera garrantzitsua dela. Hala ere, azken erabakia organo ezberdinek hartu beharko dutela azpimarratu du Aresek.

PSOEko organoek erabaki behar dute, eta ez Jose Luis Rodriguez Zapatero presidenteak, sozialistek ezohiko biltzar bat deitu behar duten ala ez, Rodolfo Ares Eusko Jaurlaritzako Herrizaingo sailburuak esan duenez.

Eusko Legebiltzarrean egindako adierazpenetan, Aresek esan du oraindik ez duela Patxi Lopez lehendakariarekin hitz egin. Atzo, Lopezek sozialisten ezohiko biltzar bat eskatu zuen, alderdiaren programa zehazteko eta Espainiako hauteskundeei begira hautagai bat aukeratzeko helburuarekin.

Zapaterok gaur adierazitako jarrera (biltzarra egitearen aurkakoa) garrantzitsua dela onartu du Aresek, baina, bere hitzetan, alderdiak dituen organo ezberdinek erabaki behar dute biltzar hori egin behar den ala ez.

Alderdi honetan organo ezberdinek hartzen dituzte erabakiak, gainerako alderdi batzutan gertatzen ez dena, azpimarratu du.

Euskal Autonomia Erkidegoko sozialistek egindako eskaera argia eta zentzuduna defendatu du Herrizaingo sailburuak, helburua datozen lau urteei begira ilusioa piztuko duen programa egitea delako.



Informazio gehiago:Eitb: Ares: PSOEko organoek hartu behar dute azken erabakia, ez Zapaterok

37 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin