Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Aralarrek protesta egin du EITBk Erregearen hitzaldia emititzeagatik


2011-12-24 14:32

Bilboko EITBren egoitzan elkartu dira Aralarreko ordezkariak, eta Erregearen hitzaldia emititzearen aurka azaldu dira bertan.

Aralarreko ordezkariak elkartu dira gaur, Bilboko EITBren egoitzan, Erregearen hitzaldia emititzearen aurka daudelako. Gainera, Patxi Lopez lehendakariaren jokabidea salatu dute, nortasun gatazka sustatzeagatik, eta Espainia, demokratikoagoa izan beharrean, erregeen, erreginen, printzesen, printzipeen eta iratxo gaiztoen herrialdea dela baieztatu dute.

Kontzentrazioan beste ordezkari batzuk ere parte hartu dute: Iratzarri, Aralarreko gazteria, Gazte Komunistak eta Bai Euskal Herriari, beste elkarte batzuen artean. Iosu Murgiak, Bizkaiako Aralarren koordinatzaileak, Aralarrek murrizketa gutxiago egotea aldarrikatzen jarraituko dutela adierazi du, eta murrizketa gehiago izan behar badira Errege-Etxean izatea eskatu du.

Patxi Lopezek, EITBren kudeaketaren arduradun nagusiak, nortasun gatazkak ez zirela egongo esan zuen, baina egin zuen lehenengo gauza hau izan zen; euskaldun guztiak ordaindutako erakunde publiko bat eskaintzea Erregeak bere mezuak zabaltzeko. Eta ez da solidaritate mezua bakarrik, baita politikoa ere, salatu du. Bere iritziz, aldarrikapen hori azkar ahaztu zuen lehendakariak, euskal gizarteak erregearen eta erregeordetzaren kontzeptua onartzen ez duen arren.

Krisia

Krisi garai honetan jendea gaizki pasatzen ari dela adierazi du, eta gogor kritikatu du mezu hau zabaltzen duena Erregea izatea: langabetuen kopurua geldiezina da eta ilusioaren, alaitasunaren eta esperantzaren mezua diru publikoaz bizitzen den pertsona batek zabaltzen du, herriak aukeratu gabe.

Aralarrek



Informazio gehiago:Eitb: Aralarrek protesta egin du EITBk Erregearen hitzaldia emititzeagatik

65 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin