Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Aralar: Rajoyk bere alderdiaren interesak soilik ordezkatzen ditu


2011-11-26 16:51

Aralarren ustez hemendik aurrera Estatuarekin norgehiagoka demokratikoaren aroa hasten da.

Mariano Rajoyk, Amaiur, alderdiekin izango duen bileretatik at uzteko erabakiaz kexatu da Aralarreko koordinatzaileordea, Dani Maeztu. Soilik PPren interesak begiratzen ditu eta bere alderdiaren alderik gogorrenari bidaltzen dio mezua, adierazi du.

Hauteskundeen ostean, egoera politikoa aztertzeko asmoz hitz egin du Maeztuk. Rajoyk alderdi guztiekin izango dituen bileretatik Amaiur at uztea erabaki du, eta horren harira, espainiarrek arazo bat izango dute, ez dute Gobernuko Presidente bezala estatu-politikaririk izango, adierazi du.

Rajoyk ez ditu 7 parlamentariak kanpoan uzten, demokratikoki bozkatu duten 300.000 lagun baizik. Ez du egoerak eskatzen duen bezala jokatu, eta iritziz aldatzea espero dugu.

Rajoyk Amaiurrekin bilduko ez dela esan duen bitartean, Erregek bilerara gonbidatzea paradoxikoa dela argudiatu dute.

Kongresuan Amaiurreko zazpi diputatuek egingo duten lanaren inguruan, Maeztuk esan du ardurarekin jokatuko dutela, eta orain Estatuarekin norgehiagoka demokratikoaren aroa hasten dela.

Aro horren helburua bakearen prozesua amaieraraino eta euskal gizartearen eskubideen aitorpenera eramatea da, gizarteko aniztasuna kontuan hartuta, esan dute.

Hauteskunde hauetan, aldaketa politikora eramateko euskal gizarteak indar independentisten eta ezkertiarren batasuna saritu duela esan dute.



Informazio gehiago:Eitb: Aralar: Rajoyk bere alderdiaren interesak soilik ordezkatzen ditu

44 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin