Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Aralar: Kutxabanken obra soziala ez dago bermatuta


2012-01-03 11:35

Dani Maeztu Aralarreko koordinadoreak esan du Kutxabanken obra soziala ez dagoela bermatuta, ordezkaritzarako akordioa apurtu badute, hori ere apur dezaketelako.

Dani Maeztu Aralarreko koordinadoreak esan du Kutxabanken obra soziala ez dagoela bermatuta, ordezkaritzarako akordioa apurtu badute, hori ere apur dezaketelako.

Ohar batean, Maeztuk Kutxabanken Administrazio Kontseilua osatzeko EAJk eta PPk egin duten hitzarmena kritikatu egin du. Fusioaren aurretik aurrezki kutxek zuten ordezkaritza instituzionala ordezkatua izan behar dela uste dugu. Hori ez da egin, eta EAJ eta PP ez diren beste indar politikoak baztertuak izan dira?, esan du.

Zentzu horretan, EAJk eta PPk ordezkatzen duten eskuinak Kutxabanken gidaritza hartu izana salatu du. Esparru guztietan ezartzen ari diren politika neoliberalak hemen ere indarrean ez jartzea espero dugu eta aurrezki kutxek zuten izaera soziala errespetatzea. Badirudi ukabilkada eman dutela mahai gainean, hori horrela ez izateko.

Maeztuk gogoratu du Aralar kritiko azaldu zela kutxen fusioarekin, eta zehaztu du ez dutela uste Kutxabankekin obra soziala bermatua egongo denik, urtearen amaieran irabaziak izatea helburu nagusi izango duen finantza erakunde baten interesen araberakoa izango delako erabakia.

Gaineratu duenez, aurrezki kutxetan zegoen ordezkaritza mantentzeko akordioa errespetatu ez duten bezala, inork ez digu ziurtatzen bihar-etzi, egon daitezkeen interes ekonomiko edo finantzario jakin batzuengatik, ez dutela albo batera utziko obra soziala eta beste edozein banketxek bezala lan egin, aurrezki kutxek zuten izaera soziala ahaztuta.

Dani



Informazio gehiago:Eitb: Aralar: Kutxabanken obra soziala ez dago bermatuta

58 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin