Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Anaia Musulmanak, Egiptoko Parlamenturako hauteskundeetan garaile


2012-01-21 15:20

Parlamentuko hauteskundeen ostean, Goiko Ganberako ordezkariak aukeratuko dituzte, datorren urtarrilaren 29tik aurrera.

Askatasuna eta Justizia Alderdiak (PLJ),  Anaia Musulmanen beso politikoak, irabazi ditu Egiptoko Parlamenturako hauteskundeak. Eserlekuen % 38 lortu dituzte, hau da, Ganberako bi heren.

Hauteskundeen batzordeko presidenteak, Abdelmoiaiz Ibrahiamek eman ditu hauteskundeetako emaitzak. PLJ alderdiaren ondoren, Al Nur alderdiak eskuratu ditu eserleku gehien, zehazki, 96, bozen % 29.

Alderdien zerrenda itxietarako gordeta dauden emaitzak eman dituzte soilik, hau da, 332 eserleku, Beheko Ganberako bi heren.

Beste herena, 166 eserleku, banakako hautagaientzat gordetzen da, baina horietako askok alderdi politikoekin harremana dute, beraz, PLJk lortutako garaipena oraindik handiagoa izango da eta gehiengo absolututik gertu egon daiteke.

Hirugarren tokian Wafd alderdi nazionalista gelditu da, 36 eserlekurekin (% 11) eta laugarren Egiptoko Blokea alderdi liberal eta laikoa, 33 eserlekurekin ( %10).

Urtarrilaren 25ean hasi zen iraultza arabiarretik sortutako gazteen mugimenduek ez dute ordezkaritza handirik eskuratu. Iraultzak jarraitzen du koaliziak 7 eserleku lortu ditu

Astelehenean egingo dute Parlamentuaren lehen saioa. Bertako presidentea PLJ alderdiko idazkari orokorra izango da, Mohamed Saad el Katani, aste honetan beste alderdiekin lortutako akordioaren ondoren.

Hauteskunde hauen ostean, Goiko Ganberakoak egingo dira (Shurako Batzordea) eta urtarrilaren 29an hasiko dira.

Prozesu honen ostean Konstituzio berri baterako erreferenduma onartzea aurreikusten dute udaberrian eta herrialdeko presidente berri bat hautatuko dute uztaila baino lehen, Egiptoko junta militarrak agindutakoaren arabera.


Anaia



Informazio gehiago:Eitb: Anaia Musulmanak, Egiptoko Parlamenturako hauteskundeetan garaile

56 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin