Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Amnistia bati esker 6.000 preso kaleratuko dituzte Birmanian


2011-10-11 11:50

40 urtez jeneralen eskutik gobernatuta egon ostean, Birmaniak ?diziplinatutako demokrazia? bat ezarri nahi du.

Birmaniako ( Myanmar) estatu-telebistak iragarri duenez, 6.359 preso kaleratuko dituzte, nahiz eta oraindik ezin den jakin horietatik zenbat diren herrialde horretan dauden preso politikoen kolektiboaren parte.

Iragarpen hau, gobernuak berriki sortutako giza eskubideen komisioak kaleratutako eskariaren ostean egin da. Eskari horretan komisioa Thein Seinengana zuzendu zen zuzenean, eta ?kontzientzia? presoen gaineko amnistia bat eskatu zion.

Birmaniako kartzeletan 2.000 preso politikotik gora daudela kalkulatzen dute giza eskubideen aldeko mugimenduek. Estatu Batuek eta Europar Batasunak, asiako herrialde honen gaineko zigorrak kentzeko baldintza garrantzitsu bezala hartzen dute preso horiek kartzelatik ateratzea.

Presoak kartzelatik ateratzearen inguruko zurrumurruak indartu egin dira azkeneko asteetan.

Batzorde militarra deuseztatu eta gobernu berriak boterea hartu zuenetik, irekitasunaren aldeko neurri garrantzitsuena bihurtu daiteke hau, betiere azkenean gauzatzen bukatzen bada.

?Demokrazia diziplinatu? baterako transformazioa gauzatzen ari da Birmanian, azken 40 urteetan jeneralek osatzen zuten batzorde militarraren ostean. Transformazio hori 2008ko Konstituzio berriaren onarpenarekin hasi zen, eta 2010ean ospatutako hauteskundeek aldaketa hori berretsi zuten.

Dena dela, oposizio demokratikoak, Aung San Suu Kyi Bake Nobel saria irabazi duen emakumeak gidatutakoak, erreferendum konstituzionala boikoteatu zuen, era antidemokratiko baten antolatuta zeudela uste baitzuten, baina azken hilabeteetan elkarrizketa itxaropentsua zabaldu da.

EFEtik



Informazio gehiago:Eitb: Amnistia bati esker 6.000 preso kaleratuko dituzte Birmanian

79 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin