Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Almodovar eta Urbizuren zinema beltza, faboritoak 2012ko Goya sarietan


2012-02-19 20:09

Zinema sarien XXVI. edizioaren aurkezle lanak beteko ditu Eva Hachek. Aurten, izendapen kopuru handiena duten No habrá paz para los malvados eta La piel que habito filmeen arteko lehia espero da.

Espainiako zinemak Goya sarien XXVI. edizioa ospatuko du gaur gauean. Eva Hachek gidatuko du sari banaketaren ekitaldia eta adituek diotenez, Pedro Almodovarrek zuzendutako La piel que habito eta Enrique Urbizuren No habrá paz para los malvadosfilmeen arteko lehia espero da. Izan ere, bi film hauek sarietarako izendapen kopuru handiena dute.

Almodovarren filmeak 16 izendapen ditu eta Erresuma Batuko Bafta sarietan golardo bat lortu ostean, baliteke azken urteetan Zinema Akademiarekin izandako liskarrak amaitutzat ematea eta Akademiako kideekin azkenik adiskidetzea.

Urbizuren zinema beltzak 14 izendapenekin hubiletik jarraituko dio Almodovarri. No habrá paz para los malvados thrillerek Jose Maria Forque sarien eta Zinemagintzako Idazleen Elkarteko babesak ditu.

Bestalde, Mateo Gilek zuzendutako Blackthorn eta Benito Zambranoren La voz dormida filmeek pelikula eta zuzendari onenen sariak eskuratu ditzazkete.

Eva Hache komikoa izango da gaurko ekitaldiaren aurkezlea eta bertan hainbat zalantza argituko dira tartean, nork irabaziko duen aktore onenaren saria, Antonio Banderasek, Daniel Brühlek, Luis Tosarrek edo Jose Coronadok (gizonezkoen kasuan) eta Elena Anayak, Inma Cuestak, Veronica Echeguik edo Salma Hayekek (emakumezkoen kasuan).

Ezagutzen den irabazle bakarra 2012ko Ohorezko Goya sarien jabea da. Aurten Josefina Molina zuzendariari eman diote joan den urtarrilaren 28an izendatu guztiekin egindako ekitaldian.

Glamourra alfonbra gorrian

Ekitaldia hasi baino lehen, gonbidatuek alfonbra gorritik igaro beharko dute eta Vicente Ruiz sarien estilistak iragarri duenez, gaza, zeta, nude eta xanpai koloreak, besteak beste, izango dira gonbidatuen jantzien protagonistak.

Izendatutako film laburrak, eitb.com-en zuzenean

Ahobizarra kentzeko, eitb.com-ek Goya sarietarako hautagai diren Euskadiko lau film laburrak emitituko ditu streamingen bitartez arratsalde honetan 17:00etatik aurrera: Alberto Vazquezek zuzendutako Birdboy, Gregorio Muroren Zeinek gehiago iraun, Raul de la Fuentek zuzendutako Virgen negra eta euskaldun baten bizitzan oinarritutako bat Alma film laburra (Jose Javier Perez Prietok egindakoa).

Jose



Informazio gehiago:Eitb: Almodovar eta Urbizuren zinema beltza, faboritoak 2012ko Goya sarietan

75 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin