Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Aliatuek Gadafiren jauregiko eraikin bat suntsitu dute


2011-03-21 08:26

- AEBek ukatu egin dute Gadafi hiltzea helburu dutela.

- Nazioarteko koalizioak esan du ez dela zibilik hil operazio militarrean.

Indar aliatuek Muamar Gadafi Libiako diktadorearen jauregiko eraikin bat suntsitu dute Tripolin, aliantzaren ofizial batek CNN telebista-kate estatubatuarrari baieztatu dionez.

Nolanahi ere, iturri horrek ukatu egin du erasoaren helburua Gadafi zela.

Nick Ronbertson CNNko berriemaile berezia jauregian izan da, erregimenaren funtzionarioek gonbidatuta, kalteak gertutik ikusteko. Azaldu duenez, eraikinean zirkulu formako bi zulo daude, misilak jaurti dituzten erakusle, seguru aski.

Gadafiren jauregia 1986an ere bonbardatu zuten AEBek, Roland Reagan presidente zela (1981-1989). Handik gertu, AEBen aurkako ikur bat dago, hots, urrezko estatua bat, ukabil bat hegazkin estatubatuar bat zapaltzen.

Bill Gortney AEBetako Itsas Armadako administratzaileordeak gezurtatu du bere herrialdeak erasoan parte hartu izana. Gure helburua ez da Gadafiren jauregia, gure helburua ez da Gadafi, adierazi du Pentagonoan eskainitako prentsaurreko batean.

Horren ildotik, Robert Gates AEBetako Defentsa idazkariak nabarmendu du Libiako buruzagia hiltzea burugabekeria litzatekeela.

Gainerako operazioei dagokienez, Gortneyk azaldu du igandeko azken orduetan 124 Tomahawk misil jaurti dituztela AEBek eta Erresuma Batuak, erregimenaren aire defentsen aurka. Hain zuzen ere, Misrata herriko aerodromo bati eraso diotela aipatu du.

Halaber, funtzionario militarrak nabarmendu du ez dutela zibilen heriotzen berri.

Gadafiren



Informazio gehiago:Eitb: Aliatuek Gadafiren jauregiko eraikin bat suntsitu dute

66 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin