Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Alfonso Zenon abokatuaren aurkako auziarekin jarraitzea erabaki dute


2011-04-19 10:43

Ertzaintzaren eta Rodolfo Ares Herrizaingo sailburuaren kontrako kalumniak leporatzen dizkiote, atxilotuak torturatzea egotzi zielako.

Bilboko 3. Instrukzio Epaitegiak Alfonso Zenon abokatuaren kontrako auziarekin jarraitzea erabaki du eta atzera bota du prozesua artxibatzeko eskakizuna. Zenon abokatuari Ertzaintzaren eta Rodolfo Ares Herrizaingo sailburuaren kontrako kalumniak leporatzen dizkiote, atxilotuak torturatzea egotzi zielako.

Herrizaingo Sailak jakitera eman duenez, Epaitegiak ez zuen aintzat hartu Zenonen defentsak eskatutako artxiboa.

2010eko otsailean Alfonso Zenonek egin zituen adierazpen batzuen harira hasi zen auzia. Atxilotu berri zituzten ETAko ustezko kide batzuen abokatua zen Zenon eta Aresen agindupean Ertzaintzak atxilotuetako batzuk torturatu egin zituela salatu zuen.

Adierazpen horien aurrean, Aresek kereila kriminala aurkeztu zuen abokatuaren kontra, eta Eusko Legebiltzarrak babesa eman zion erabaki horri.

Gaur zabaldu duten erabaki judizialak ez du aintzat hartzen defentsak eskatutako artxiboa eta izapideekin jarraitzeko agindua ematen du.



Informazio gehiago:Eitb: Alfonso Zenon abokatuaren aurkako auziarekin jarraitzea erabaki dute

114 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin