Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Alderdi politikoek saminez hartu dute Juan Mari Bandresen heriotza


2011-10-28 14:38

Ordezkari politikoek Bandresek politikagintzan egindako ekarpena goraipatu dute eta transizio garaian funtsezkoa izan zen figura joan dela azpimarratu dute.

Eusko Jaurlaritza

Patxi Lopez lehendakariak Juan Mari Bandres Euskadiko Ezkerraren fundatzaileak ETAren jarduera armatua amaitu ondoren hasitako garai berriaz ezin gozatu izana deitoratu du, hain zuzen Bandresek hori lortzeko hainbeste borrokatu eta gero, erantsi du.

Lehendakariak Twitter sare sozialean, Euskadin transizio garaian funtsezkoa izan zen pertsonaren heriotzaren inguruan iruzkin bat egin du.

Bandrss hil da. Askatasunaren alde jardun duen gizona, Euskadin zabaldu den garai berria lortzeko hainbeste borrokatu duen gizonak zoritxarrez ezin izan du hontaz gozatu, idatzi du lehendakariak.


PSE-EE

Txiki Benegas sozialistak Bandres elkarrizketarako irekia zen gizona dela azpimarratu du, akordioak egiten jakin zuena eta, halaber, bere kritikak beti, modu adeitsuan azaldu zituela esan du.

Benegasen ustez abokatu eta politikari donostiarraren heriotza ezagutu dugun guztiontzat galera handi bat da eta euskal politikagintzan transizio demokratikoaren garaian protagonista izan zen pertsona bat desagertu dela azpimarratu du.

ETA politiko militarraren jarduera armatuari amaiera eman zion negoziaketetan erabakigarria izan zen, erantsi du Benegasek.

Esozi Leturiondo, Mario Onaindiaren alargunak eta PSE-EEko legebiltzarkideak, bere senarra zena eta Juan Mari Bandres ETAren jarduera armatuaren amaierarekin pozarren eta baikor egongo zirela adierazi du.


EAJ

Andoni Ortuzar EAJko BBBren presidenteak ere saminez jaso du abokatu eta politikari donostiarraren heriotza. Une honetan bere babesa eta testigantza oso baliagarriak izango ziren, esan du Ortuzarrek.


PP

Mariano Rajoy PPko presidenteak telegrama bat igorri dio Euskadiko Ezkerrako sortzaileetako bat izan zenaren alabari, Espainiako politikagintzan giza eskubideen defentsan funtsezkoa izan zen gizonaren heriotza dela eta doluminak helaraziz.


UPyD

Rosa Diez UPyDko buruak politikari handi bat joan dela azpimarratu du, aparteko pertsona, Espainiako politikari escarpen handia egin zion une zail eta korapilatsu batean, erantsi du.

Bandresek sinesten zuen hura defendatzeko zuen irmotasuna goraipatu du halaber Rosa Diezek.



Informazio gehiago:Eitb: Alderdi politikoek saminez hartu dute Juan Mari Bandresen heriotza

58 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin