Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Alderdi politikoek propaganda kendu beharko dute bihar


2011-03-28 19:52

Hauteskunde Legearen erreformak ezarritakoaren arabera, kanpainaurrean ezin dute botoa eskatu, eta propaganda politikoa debekatua dago, Interneten izan ezik.

Astearte honetan alderdi politikoek hauteskunde propaganda kartel guztiak kendu beharko dituzte errepideetatik eta hiriko kaleetatik, debekatua baitago propaganda egitea kanpainaurrean.

Urtarrilaren amaieran indarrean sartutako Hauteskunde Legearen erreformak ezarritakoaren arabera, hauteskundeak deitzen direnetik kanpaina legez hasten den bitartean debekatua dago kartelak, tresneria komertziala, prentsa, irratia edo beste hedabide digitalak erabiltzea hauteskunde publizitatea edo propaganda egiteko.

Hauteskunde propagandaren debekua astearte honetan indarrean sartuko da datorren maiatzaren 22ko udal eta foru hauteskundeen deialdia Estatuko Aldizkari Ofizialean publikatzen denean.

Propaganda maiatzaren 6ko 00:00 orduan bueltatuko da, udal hauteskunde kanpaina hasten denean.

Dena den, hauteskunde-batzordeak ostiralean onartutakoaren arebera, aste hauetan hautagaiek edo alderdiburuek zerrendako kideak edo hauteskunde programak ezagutzera emateko antolatutako ekitaldien berri eman ahal izango dute. Ekitaldi horiek ibilgailu pribatuen bidez egin ahal izango dituzte, baina ezin dute horretarako kontraturik egin.

Internet bidez onartua egongo da

Kanpainaurrean botoa eskatzea debekatua egon arren, hauteskunde-batzordeak hautagien edo proposamenen publizitatea egitea baimendu du; besteak beste, liburuxken, gutunen, panfletoen, USB memorien, posta elektronikoen edo mugikorreko mezuen bidez. Era berean, web-orrialdeak edo sare sozialak erabili hala izango dituzte, hirugarren pertsona bat kontratzen ez duten bitartean.

Bestalde, PSOEk eta PPk eskatu duten arren, datozen asteetan ezin izango dituzte hautagaien izena edo argazkia, edo alderdi politikoen siglak dituzten giltzakoak, boligrafoak, txapak edo antzeko produktuak banatu.

Halaber, etxe pribatuetako kanpoaldean irudi horiek edo antzekoak azaltzen dituzte kartelak debekatuak egongo dira.



Informazio gehiago:Eitb: Alderdi politikoek propaganda kendu beharko dute bihar

107 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin