Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Aldekoa: Eskumenen inguruko gune grisak egon badaude


2012-01-23 14:45

Euskal erakundeen arteko bikoizketak aztertzen dituen Legebiltzarreko batzordean egin ditu adierazpenak Andoni Aldekoak, Bilboko Udalaren izenean.

Andoni Aldekoa Bilboko Udaleko kontseilari delegatuak euskal erakundeen arteko sistema defendatu du, baina eskumenen inguruko desdoitzeak eta gune grisak badaudela onartu eta sistema berrikustearen alde agertu da.

Euskal erakundeen arteko bikoizketak aztertzen dituen Legebiltzarreko batzordean egin ditu adierazpenak Andoni Aldekoak, Bilboko Udalaren izenean. Jaurlaritzaren txosten baten arabera, bikoizketek 400 milioi euroko gastua eragiten dute Euskadin.

Bikoizketak badaudela onartu du Aldekoak, baina txostenaren ondorio bakarra hori izatea errefusatu egin du. Aipatu duenez, haienak ez diren eskumenak bere gain hartzen dituzte udalek, beste erakunde batzuk zerbitzu horiek eskaintzen ez dituztelako. Hiritarren beharrak asetzeko helburuarekin, gastu horiek bere gain hartzen dituztela azaldu du.

Adibide moduan, Artxandako funikularra aipatu du. Jaurlaritzak eman beharko lukeen zerbitzua dela, baina Udalak bere gain hartu duela azaldu du Aldekoak.

Bere hitzetan, txostenaren harira igorritako mezua arriskutsua da, erakundeek dirua xahutu egiten dutela adierazi baitute. Aldekoaren ustez, sistema hobetu eta zorroztu egin behar dute, elkarlana hobetuz, baina horrek ez du esan nahi sistema funtzionatzen ez duenik.



Informazio gehiago:Eitb: Aldekoa: Eskumenen inguruko gune grisak egon badaude

55 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin